Тохсунньу ый 13 күнүгэр Арассыыйа бэчээтин күнүгэр аналлаах кылаас чааһа уонна уруок буолан ааста. Биһиги бэчээт историятын уонна бэчээккэ сыһыаннаах идэлэри кытары билистибит.
Уруок кэмигэр “Кэскил” хаһыаппыт сонуннарын аахтыбыт, кэпсэтистибит. Бэйэбит ыстатыйа суруйарга холоннубут. Антон Кириллин кылааһынан “Триумф” киинэҕэ сылдьыбытын, Дайаана Оконешникова уонна Дима Иванов оскуолабытыгар лидери талыы туһунан сэһэргээбиттэр. Кыдаана Турантаева, Семенов Евгений уонна Роман Докторов сөбүлүүр астарын эрэсиэбин билиһиннэрбиттэр. Эр Хан Васильев сэргээн аахпыт ыстатыйатын туһунан санаатын, Арылхан Евсеев Арассыыйа Геройун, Владимир Данилов оскуолабытыгар Арассыыйа Геройдарыгар анаммыт эркин аһыллыытын тустарынан киэн туттан суруйбуттар. Алквиад Гоголев Дьокуускай куорат Саҥа дьылга киэргэтиитин, харыйалары сөбүлүү көрбүтүн ойуулаабыт.
Элбэх кэпсээннээх, дойду бары сонунун сэһэргиир, туһалааҕы билиһиннэрэр, өй үлэтин сайыннарыыга сорудахтардаах “Кэскил” хаһыаппытын ааҕыаҕыҥ, олохпутугар доҕор оҥостуоҕуҥ.
Станислава Иванова,
Дьокуускай куорат 17 №-дээх орто оскуолатын IX “Г” кылааһын үөрэнээччитэ.
keskil14.ru