С.К. Макаров аатынан Чурапчы гимназиятыгар «Гимназия республиката» бастакылар сэбиэттэрин саҥа састаабын чиэстээтибит.
Саҥа састаабы билиһиннэриэхтэрин иннинэ ааспыт үөрэх дьылыгар сэбиэт хайдах үлэлээбитин бэрэссэдээтэл Анна Лазарева билиһиннэрдэ. Саҥа састаапка ситиһиилэх, айымньылаах үлэни баҕарда. Онтон дириэктэри иитэр үлэҕэ солбуйааччы Оксана Степановна Данилова актыбыыстары эҕэрдэлээтэ. Былырыыҥҥы састаап үлэтин хайҕаан туран, махтал суруктары туттарда.
Быйылгы быыбарга куоластааһын түмүгүнэн «Маарыкчаан кэскилэ» лидеринэн 7 «А» кылаас үөрэнээччитэ Тимур Неустроев талылынна. «Гимназия республиката» сэбиэт бэрэссэдээтэлинэн 10 «А» кылаас үөрэнээчитэ Софрон Павлов буолла.
Тас сибээс боппуруостарыгар уонна бастакылар сэбиэттэрин бэрэссэдээтэлин солбуйааччытынан 10 «Б» кылаас үөрэнээччитэ Коля Посельскай буолла.
Тас сибээс отделын чилиэннэрэ: Кюннэй Жиркова (10 «А» кылаас), Гея Капрынова (10 «Б» кылаас), сэкирэтээр – Артем Собакин. Култуура чааһыгар бэрэссэдээтэли солбуйааччы – Сивцева Айтал (10 «А» кылаас), култуура чааһын чилиэннэрэ: 10 «Б» кылаас үөрэнээччилэрэ Нарыйаана Собакина, Туйаара Попова, Юлия Лазарева. Маассабай информацияҕа бэрэссэдээтэли солбуйааччы – Римма Егорова (10 «А» кылаас), чилиэннэр – Саина Захарова (9 «Б» кылаас), Настя Соломова (10 «А»). Спортка уонна киберспортка бэрэссэдээтэли солбуйааччы – Саша Григорьев (10 «А» кылаас), спорт отделын чилиэнэ – Ньургуйаана Попова (10 «Б» кылаас). Ис дьыала уонна үлэ чааһыгар бэрэссэдээтэли солбуйааччы – Нелли Божедонова (10 «Б» кылаас). Уопсастыбаннай боппуруостары быһаарар отдел салайааччыта – Аюми Дьячковская (10 «А» кылаас), көмөлөһөөччүтэ – Вика Дьяконова (10 «А» кылаас), чилиэннэр – 9 «Б» кылаас үөрэнээччилэрэ Полина Пинигина, Ванесса Евграфова, Катя Монастырева.
Саҥа састаап гимназиябыт сайдарын туһугар айымнылаахтык үлэлиэхпит диэн үөрүүлээх быһыыга-майгыга андаҕайдылар.
Доҕотторбор ситиһиини, кыайыыны-хотууну баҕарабын. Улахан эппиэтинэс ылынан оскуолабытын сайыннарыахтара, үлэлиэхтэрэ-хамсыахтара диэн эрэнэбин.
Хаартыскалары бу сигэнэн киирэн көрүҥ: https://vk.ru/album-217282117_311144469
Айаана КУПРИЯНОВА, VI «Б» кылаас,
«Тумус кыһа» медиа-киин,
С.К. Макаров аатынан Чурапчы гимназията