Муус устар 27 күнэ- саха норуотугар ураты суолталаах бэлиэ күн. 1922 сыл муус устар 27 күнүгэр РСФСР Бүтүн Россиятааҕы Киин ситэриилээх кэмитиэтэ Саха сирэ судаарыстыбаннастаах буоларын билиммитэ, РСФСР састаабыгар Cаха Автономнай Советскай Социалистическай Өрөспүүбүлүкэтин олохтуур туһунан анал Декрети ылыммыта. Бу историяҕа киирбит докумуон Саха сирин национальнай судаарыстыбаннаһын бигэргэппитэ.
Cаха норуотун чулуу уолаттара Былатыан Ойуунускай, Максим Аммосов, Исидор Барахов, Василий Никифоров – Күлүмнүүр, Степан Аржаков, Степан Васильев Саха сирэ автономия буоларын ситиспиттэрэ, биһиги региоммут экономическай, социальнай, култуурунай сайдыытын өр сыллаах олугун уурбута.
Бу хаартыскаларга өрөспүүбүлүкэбит оҕолоро Саха сирин ытык бэлиэ сирдэригэр, дойдуларын биллиилээх дьонноругар аналлаах пааматынньыктарын аттыгар түспүттэрин көрөҕүт.
БҮЛҮҮГЭ
Бүлүү к. 1 №-дээх оскуолатын «Ориентир» медиа-киин эдкордара Лиза Быканова, Ксения Федорова -Сэбиэскэй Сойуус Геройдара Н.А. Кондаковка, Н.С. Степановка, А.А. Мироновка аналлаах пааматынньык аттыгар.
«Ориентир» чилиэннэрэ Бүлүү улууһун Кыадаҥда нэһилиэгэр – биллиилээх судаарыстыбаннай деятель Г.И.Чиряевка аналлаах пааматынньык аттыгар.
ДЬААҤЫГА
Боронук орто оскуолатын 9-10 кылааһын оҕолоро — Верхоянскай куоракка турар «Тымныы Чыпчаала» мэҥэ таас аттыгар. Манна 1885 с.тохсунньу 15 күнүгэр политсыылынай С.Ф.Ковалик саамай тымныы -67,8 кыраадыһы бэлиэтээбитэ.
Остуолба нэһилиэгэр киирии аартыкка Дьааҥы улууһун сылгыһыттарын ааттарын үйэтитэр «Дьааҥы маҥан ата» өйдөбүнньүк туруоруллубута.
МЭҤЭ ХАҤАЛАСКА
Бэдьимэ 4 кылааһын оҕолоро (учууталлар А.М.Сергучева) «Бэдьимэ үтүө сирдэрэ» диэн патриотическай бырайыагынан үлэлээтилэр. Хаартыскаҕа: Маҥхааһайга (урукку бурдук уурар сир).
Былырыын 9-с кылаастар оскуолаларын 12 буолан, ситиһиилээхтик бүтэрбиттэрэ. Ол сайын дойдубут кэрэ миэстэлэринэн — ирбэт тоҥ Булууска, ыраас салгыннаах Туруук хайаҕа дуоһуйа сынньанан кэлбиттэрэ.
НЬУРБАҔАНьурба улууһун Күндээдэ оскуолатын «Кэскил» көрдөрүүлээх оҕо үҥкүү ансаамбыла элбэх сиргэ гастроллуур, дойду кэрэ сирдэрин кытта билсэр.
Ньурба кыраныыссатыгар.
КЭБЭЭЙИГЭ
Кэбээйи орто оскуолатын 11-с кылаастара — «Култуура» ытык сиргэ уонна «Томтор» сквергэ.
СУНТААРГА
1 кылаастар — Күүкэй нэһилиэгэр гражданскай сэрии геройа С.А.Иванов-Олуппуон пааматынньыгын аттыгар.
Прокопьев Вадим — «Коммунар» колхозтан Аҕа дойду улуу сэриитигэр ыҥырыллыбыт дьоҥҥо аналлаах мемориал аттыгар. Мемориал 1997 сыллаах Мэлдьэкэ диэн сиргэ туруоруллубута.
Евсеева Варя—Күүкэй нэһилиэгиттэн Аҕа дойду сэриитигэр барбыт дьоҥҥо анаммыт пааматынньык аттыгар. Кыайыы 50 сылын көрсө 1995 сыллаахха туруоруллубута.
ТААТТАҔА
Кыайыы 75 сылын көрсө Таатта Чычымаҕын 11-с кылаастара мас олордубуттара. Кэннилэригэр Николаевскай таҥара дьиэтэ көстөр.
Чычымахтан чугас баар Мэйи Баалы диэн алааска сэриигэ барбыттарга өйдөбүнньүк туруоруллубута.
Норуодунай суруйааччы Николай Егорович-Амма Аччыгыйа, сахаларга философия бастакы доктора, профессор Авксентий Егорович, Саха өрөспүүбүлүкэтин, Россия үтүөлээх учуутала Трофим Егорович Мординовтар, ини-биилэр, олорбут кыстык дьиэлэрэ Чычымах уонна Харбалаах икки ардыгар Буор дьиэ диэн сиргэ турар.
Бэлэмнээтэ: Таисия Алексеева