Бүгүн, ыам ыйын 9 күнүгэр, Горнай улууһун Бэрдьигэстээх нэһилиэгэр, «Чыпчаал» стадиоҥҥа Улуу Кыайыы 80 сылын бэлиэтиир үөрүүлээх парад буолан ааста.
Нэһилиэк иһинэн биллэриллибит «Сэргэх сэлиэнньэ» тэрилтэлэр икки ардыларыгар ыытыллар бэстибээл чэрчитинэн бары тэрилтэлэр тэринэн кэлэн, параакка көхтөөхтүк кытыннылар. Ону таһынан, оскуола үөрэнээччилэрэ, «Юнармиялар» параады ситэрэн-хоторон биэрдилэр.
Улууспут баһылыга Никита Викторович Андреев Кыайыыга бэйэлэрин кылааттарын киллэрсибит ытык кырдьаҕастарбытыгар, бэтэрээннэрбитигэр, анал байыаннай дьайыы кыттыылаахтарыгар махтал тылларын эттэ.
Ону тэҥэ, параакка «Вальс Победы» аахсыйа чэрчитинэн, быйылгы үөрэх дьылын выпускниктара үҥкүүлээтилэр.
Кирсан Кириллов, С.П. Данилов аатынан Бэрдьигэстээх орто оскуолатын 7 «В» кылааһын үөрэнээччитэ, «Сайдам» медиакиин юнкора