Оҕо аймах саамай кэтэһэр бырааһынньыга –Саҥа дьыл. Бу алыптаах кэрэ күнү Чурапчы улууһун Д.Д. Красильников аатынан Мугудай орто оскуолатыгар, сылын аайы буоларын курдук, өрө күүрүүлээхтик көрсөргө бэлэмнэнэн, хаар оҥоһуктары оҥордулар.
Кэрэчээн харыйа наҥначчы симэммит,
Кэллэ дии, кэллэ дии кэрэ кэм — Саҥа дьыл!
Үчүгэй, үчүгэй үөрүү-көр буолара,
Үчүгэй, үчүгэй саҥа дьыл кэлэрэ!
Кэтэһэр ыалдьыппыт Тымныычаан оҕонньор
Кэлиэҕэ сотору кэһиитин аҕалыа!
Бу тэрээһиҥҥэ төрөппүт оруола өрүү улахан буолар. Сылын аайы оҥоһуктарбыт тиэмэлэрэ уларыйа турар. Былырыын мультик геройдарын кытта оскуола олбуоругар «алтыспыт” буоллахпытына, быйыл омук дойдуларыгар «ыалдьыттаатыбыт”. Көрөргө эриэккэс көстүү буолла!
Австралия – 1 кылаас төрөппүттэрэ Н.Н. Рязанскай, А.Г. Попов, П.М. Михайлов кенгурутун оҥорбуттара оҕотун суумкатыгар уктан баран, бу ыстаҥалаан барыах курдук (кылаас салайааччыта С.П. Данилова)
Франция — 2 кылаас үөрэнээччилэрин аҕалара Е.А. Варламов, П.М. Михайлов уонна талааннаах убай В.А. Пермяков Франция Эйфелевай башнятын оҥорон таһаарбыттар (учуутал А.А. Онопрова).
Кытай — 3 кылаас төрөппүттэрэ В.В. Попов, В.В. Баишев, В.А. Оконешников, Т.И. Аммосов, Дь. М. Охлопков Кытай пандатын уустаан-ураннаан оҥорбуттар (кылаас салайааччыта Н.И. Жергина) .
Россия – 4 кылаас төрөппүттэр И.С. Толстоухов, А.Я. Егоров уонна К.Н. Жирков олимпийскай эһэчээни оҥордулар (кылаас салайааччыта А.Н. Захарова).
Индия – 5 кылаас төрөппүттэр Нь.И. Сидоров, М.М. Сидорова, Н.Н. Жергина сүрдээх үчүгэй слону оҥордулар (кылаас салайааччыта Н.И. Мыреева).
Финляндия — 6 кылаастар аҕалара П.М. Михайлов, П.П. Яковлев, В.А. Оконешников, Е.М. Данилова, М.А. Оконешникова Финляндия Санта Клауһун табатын кытта оҥорбуттар (кылаас салайааччыта С.В. Филиппова).
Мексика -7 кылаастар аҕалар И.Е. Артемьев, А.А. Неустроев, Д.Д. Сивцев, В.Д. Захаров, убай Р.В. Дьяконов сүрдээх кэрэ көстүүлээх гитаралаах, сомбреролаах пальма аттыгар турар киһини оҥорбуттар.
Великобритания – 8 кылаастар төрөппүттэр Н.Н. Рязанскай, И.С. Толстоухов Лондон куоракка сүүрэр икки этээстээх кыһыл оптуобуһу оҥорон таһаарбыттара, субу айаннаан барыах курдук (кылаас салайааччыта Н.Н. Сибирякова).
Бразилия – 9 кылаастар төрөппүттэрэ Е.Е. Артемьев, М. Д. Сивцев, Е.И. Михайлова сүрдээх улахан футбол мээчигин оҥорбуттар (кылаас салайааччыта А.Т. Сивцева).
Америка — 10 кылаастар Көҥүл статуятын оҥорбуттар. Төрөппүттэр Т.И. Аммосов, Ф. П. Марков, М.П. Варламов (кылаас салайааччыта Я.Ф.Толстоухов).
Египет – 11 кылаастар төрөппүттэрэ И. Е. Артемьев уонна К.Н. Жирков олус табыллан фараону оҥорбуттар (кылаас салайааччыта М.Н. Оконешникова).
Маннык хаар оҥоһуктары оҥорор үгэс хаһыс да сылын салҕанан барара олус үчүгэй. Оҕолорго, төрөппүттэргэ, нэһилиэк да олохтоохторугар күүтүүлээх кэрэ кэммит Саҥа дьыл, саҥа сыл чугаһаан иһэрин бэлиэтэ буолар. Биллэрин курдук, киһи барыта Саҥа дьылтан туох баар үчүгэйи, кэрэни эрэ күүтэр. Бу оҥоһуктары оҥорорго улахан кылаас оҕолоро төрөппүттэрин кытта бииргэ буолан, кыһанан туран кытталлар. Мугудай оскуолатын оҕолоро, төрөппүттэр, учууталлар олус долгуйа, үөрэ-көтө Саҥа дьылы олус күүтэбит, кэтэһэбит.
Ааптар: Мария Слепцова, Д.Д.Красильников аатынан Мугудай орто оскуолатын 11 кылааһын үөрэнээччитэ.
;