Олунньу 4 күнүгэр Хадаар нэһилиэгэр оскуолабыт бочуоттаах мецената, «Республикатааҕы инвестиционнай компания (РИК)» бастакы генеральнай дириэктэрэ, Россия бочуоттаах тутааччыта, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Чурапчы улууһун, Одьулуун, Хадаар нэһилиэктэрин бочуоттаах гражданина Александр Иванович Федотов аатынан V өрөспүүбүлүкэтээҕи куонкурус буолан ааста.

Александр Иванович Федотов Хадаар нэһилиэгэр икки этээстээх таас оскуоланы туттарбыт улахан үтүөлээх. Ол иһин биһиги кини аатын куруук үрдүктүк тутабыт, умнубаппыт, киниэхэ махтанабыт. Бу куонкурус ыытыллара үтүө киһи үтүө дьыалатын умнубаппыт бэлиэтэ буолар.
Александр Иванович 1967 сыллаахха олунньу 4 күнүгэр Чурапчы улууһун Одьулуун нэһилиэгэр үһүс оҕонон күн сирин көрбүтэ. Кини оскуола бастыҥ үөрэнээччитэ этэ. Улуустааҕы, өрөспүүбүлүкэтээҕи олимпиадаларга биэс предмеккэ биирдэ – математикаҕа, физикаҕа, химияҕа, биологияҕа, нуучча тылыгар – кыайыылаах буолара. Ону таһынан спортсмен. Волейбол, баскетбол, сүүрүү, бокса көрүҥнэринэн дьарыктаммыта.
1984 сыллаахха Чурапчыга оскуоланы бүтэрэн баран, Климент Ефремович Ворошилов аатынан байыаннай училищеҕа үөрэнэ барбыт эрээри төрөппүттэрин сүбэлэринэн, Валериан Владимирович Куйбышев аатынан тутуу инженердэрин бэлэмниир институкка киирбит.


Иккис куурска үөрэнэ сылдьан армияҕа ыҥырыллан, 1985-1988 сс. үс сыл сулууспалаабыт. Ытык иэһин толорон кэлэн баран үөрэҕин салҕаабыта.

1989 сыллаахха таптыыр кыыһын Марианна Ивановнаны кытта ыал буолбута. 1991 бастакы оҕолоро Ваня, салгыы кыыстара Маша күн сирин сирин көрбүттэрэ.
1992 с. үөрэҕин кыһыл дипломунан бүтэрбитэ.

Үлэтин төрөөбүт Чурапчытыттан саҕалаабыта. 1992-1993 сс. “Агропромстрой” МПМК прорабынан, кылаабынай инженеринэн үлэлээбитэ.

Александр Иванович 1995-1997 сыллардаахха Чурапчы улууһун дьаһылтатын баһылыгын тутууга уонна промышленноска солбуйааччыта.
1997-1998 сс. Саха сирин «Целевой фонд будущих поколений» сүрүннүүр специалиһа, управлениетын салайааччыта.
1998 — 2000 сс. СӨ экономикаҕа министиэристибэтин управлениетын салайааччыта. 06.2000 — 04.2002 сс. – СӨ Правительствотын бэрэссэдээтэлин солбуйааччытын управлениетын салайааччыта.
2002-2003 сс. СӨ экономикаҕа министиэристибэтин департаменын салайааччыта.
2003-2007 сс. СӨ экономикаҕа министирин солбуйааччыта.
2007 сылтан олоҕун тиhэх күнүгэр диэри «Республикатааҕы инвестиционнай компания (РИК)» аһаҕас акционернай общество генеральнай дириэктэринэн үлэлээбит.

РИК Саха сиригэр сайдыыны аҕалар, онно туһаайан үлэлиир улахан суолталаах тэрилтэ.
Александр Иванович Федотов 2012 сыллаахха 45 эрэ сааһыгар ыарахан ыарыыттан олохтон туораабыта. Кини төрөөбүт дойдутугар, дьонугар-сэргэтигэр анаан оҥорбут өҥөтө элбэх. Биһиги нэһилиэкпитигэр оскуолабыт умайан, учууталлар, оҕолор хас да сиринэн көһө сылдьан үөрэнэр кэмнэригэр көмөҕө Александр Иванович Федотов тииийэн кэлбитэ. Саҥа оскуола тутуутун кэпсэтэн, дьону түмэн, сүүрэн-көтөн 2010 сыллаахха биһиги нэһилиэкпитигэр икки этээстээх таас оскуола олоххо киирбитэ.

Билигин Александр Иванович Федотов туттарбыт оскуолатыгар 2015 сылтан кини оскуолаҕа үөрэнэ сылдьан физика, математика, тыл предметтэригэр дьоҕурун оҕолорго холобурдаан көрдөрөн, Александр Иванович Федотов аатынан куонкурус ыытыллар. Бу куонкуруһу Саха Өрөспүүбүлүкэтин Үөрэҕин министиэристибэтэ, М.К. Аммосов аатынан ХИФУ, Чурапчы улууһун дьаһалтата, улуустааҕы үөрэх салаата, Хадаар нэһилиэгин дьаһалтата, биһиги оскуолабыт – бары бииргэ тэрийэн ыыталлар. Быйылгы куонкурус оскуолабыт төрүттэммитэ 110 сылыгар ананна.

Куонкурус IX-XI үөрэнээччилэригэр аналлаах. Физика, математика, саҥарар саҥа, нэһилиэк сайдыытын туһугар оҕо толкуйун сайыннарар соруктаах буолан, үс түһүмэхтээх.

Бастакы түһүмэх – физика, математика олимпиадата. Олимпиада сорудаҕа биэс толкуйдатар садаачаттан турар: 3 садаача математика, 2 садаача физика. Садаача ис хоһоонун, тутулун М.К. Аммосов аатынан ХИФУ математика научнай-чинчийэр институтун дириэктэрин научнай-чинчийэр үлэҕэ солбуйааччыта, Саха өрөспүүбүлүкэтин Наукатын Академиятын вице-президенэ, физика-математическай наука доктора, профессор Сергей Вячеславович Попов толкуйдаан оҥорор. Садаачалар ис хоһоонноро оҕо логическай толкуйун сайыннарыыны кытта ситимнээхтэр.
Иккис түһүмэх – Александр Иванович Федотов бэйэтин кылгас олоҕор айан-суруйан хаалларбыт сахалыы, нууччалыы хоһооннорун иэйиилээхтик ааҕыы. Бу түһүмэх физика уонна лирика хардарыта сибээстээхтэрин көрдөрөр.
Үһүс түһүмэх – кыттааччылар бэйэлэрэ оҥорбут бырайыактарын социальнай суолталаах, бизнес уонна волонтерство диэн үс хайысханан көмүскээтилэр.
Хаҥалас, Томпо, Чурапчы улуустарыттан 47 оҕо кыттыыны ылла. Кыайыылаахтарынан кимнээх ааттанныларый?
1 түһүмэх. Физика, математика предметтарыгар олимпиада
IX кылаастарга
1 миэстэ – Гаврильева Амелия, И.М. Яковлев аатынан 1 №-дээх Покровскай оскуолата, Хаҥалас;
2 миэстэ – Ким Эрсан, С.К. Макаров аатынан Чурапчы гимназията;
3 миэстэ – Чибыева Мила, И.М. Яковлев аатынан 1 №-дээх Покровскай оскуолата, Хаҥалас.
Х кылаастарга
1 миэстэ – Стручков Айхал, И.М. Яковлев аатынан 1 №-дээх Покровскай оскуолата, Хаҥалас;
2 миэстэ – Карпов Кэскил, Одьулуун орто оскуолата, Чурапчы;
3 миэстэ – Тимофеева Карина, И.М. Яковлев аатынан 1 №-дээх Покровскай оскуолата, Хаҥалас.
XI кылаастарга
1 миэстэ – Макаров Олег, С.К. Макаров аатынан Чурапчы гимназията;
2 миэстэ Ксенофонтов Эрчим, Төлөй орто оскуолата;
3 миэстэ Захаров Игорь, Е.П. Неймохов аатынан Мэҥэ Алдан орто оскуолата, Томпо.

2 түһүмэх. А.И. Федотов хоһооннорунан литературнай ааҕыы
1 миэстэ – Александров Николай, Х кылаас, С.К. Макаров аатынан Чурапчы гимназията;
2 миэстэ – Егоров Альберт, Х кылаас, Е.П. Неймохов аатынан Мэҥэ Алдан орто оскуолата, Томпо;
3 миэстэ – Лукин Аристарх, IX кылаас, С.Д. Флегонтов аатынан Хадаар орто оскуолата, Чурапчы.
3 түһүмэх. Бырайыактары көмүскээһин
“Социальнай суолталаах” бырайыактар секция
1 миэстэ – Иванов Антон, XI кылаас, Д.П. Коркин аатынан оскуола-интэринээт; ГБОУ РС(Я) «ЧРССШИОР» им. Д. П. Коркина;
2 миэстэ – Иванов Никита, IX кылаас, Е.П. Неймохов аатынан Мэҥэ Алдан орто оскуолата, Томпо;
3 миэстэ – Ноговицын Дьулус, XI кылаас, И.Е. Федосеев-Доосо аатынан Дириҥ агро оскуола, Чурапчы.
“Бизнес бырайыактар” секция
1 миэстэ – Григорьев Айтал, IX кылаас, С.Д. Флегонтов аатынан Хадаар орто оскуолата, Чурапчы;
2 миэстэ – Тимофеева Карина, Х кылаас, И.М. Яковлев аатынан 1 №-дээх Покровскай оскуолата, Хаҥалас;
3 миэстэ – Гаврильева Амелия, IX кылаас, И.М. Яковлев аатынан 1 №-дээх Покровскай оскуолата, Хаҥалас.
“Благотворительность. Волонтерство” секция
1 миэстэ – Ксенофонтов Эрчим, XI кылаас, Төлөй орто оскуолата, Чурапчы;
2 миэстэ – Кожурова Туйаарыма, XI кылаас, И.Е. Федосеева-Доосо аатынан Дириҥ агро оскуола, Чурапчы;
3 миэстэ – Егоров Альберт, Х кылаас, Е.П. Неймохов аатынан Мэҥэ Алдан орто оскуолата, Томпо.
Куонкурус муҥутуур кыайыылааҕынан Төлөй орто оскуолатын XI кылааһын үөрэнээччитэ Эрчим Ксенофонтов ааттанна уонна РИК туруорбут сүрүн бирииһинэн ноутбугунан, кини салайааччыта Мария Дмитриевна Васильева бэлэҕинэн наҕараадаланнылар.

Онтон С.К. Макаров аатынан Чурпачы гимназиятын IX кылааһын үөрэнээччитэ Эрсан Ким Гран-при аатын ылан бирииһинэн бэлиэтэннэ. Кини салайааччылара Кыдана Михайловна Екечьямова, Туяра Николаевна Макарова эмиэ анал бириис туттулар.
Одьулуун орто оскуолатын Х кылааһын үөрэнээччилэрэ Седалищев Валентин, Карпов Кэскил, Халгаев Алгыс литературнай ааҕыы түмүгүнэн анал бирииһинэн бэлиэтэннилэр. С.К. Макаров аатынан Чурапчы гимназиятын Х кылааһын үөрэнээччитэ Айлина Сивцева В.В. Гуляев бирииһин тутта.

Онтон биһиги, “Кэскил” медиа оскуола юнкордара, литературнай ааҕыы түмүгүнэн Н.Е. Мординов-Амма Аччыгыйа аатынан “Кэскил” оҕо бэчээтин кыһатын анал бирииһин оскуолабыт IX кылааһын үөрэнээччитигэр Артур Решетниковка туттардыбыт.
Ити курдук биир күн устата улахан тэрээһин буолан ааста. Мин бу суруйуубун Александр Иванович Федотов тылларынан түмүктүөхпүн баҕарабын.
Если спросят меня
Где твой дом,
Если спросят
Откуда я родом,
Я с волнением гордо отвечу
Мой дом – моя Отчизна,
Мое начало – мой отец.
Алена КСЕНОФОНТОВА, VIII кылаас,
С.Д. Флегонтов аатынан Хадаар орто оскуолата, Чурапчы