Ыам ыйын 15-20 күннэригэр Ставрополь куоракка Бастыҥнар оҕо хамсааһына ыытар бүтүн Арассыыйатааҕы «Российская школьная весна» бэстибээлгэ Саха сирин аатыттан кыттар бөлөххө талыллан баран кыттан кэллим. Мин «Народные инструменты» хайысхаҕа саха төрүт инструменынан кырыымпанан сахалыы матыыптары оонньообутум.
Өрөспүүбүлүкэбит араас оройуоннарыттан 20-тэн тахса оҕо буолан барбыппыт. Киһи сөҕө көрөр улахан тэрээһинэ буолан ааста. Биир күн мустан сахалыы харысхал арааһын оҥорон киэргэтэн илдьэ баран, бэлэх гынан, атын делегация оҕолоругар бэлэх ууммуппут.
Күөх экраҥҥа эрэ көрөр улахан Арассыыйа артыыстарын илэ харахпытынан көрдүбүт, иһиттибит. Араас талааннаах оҕолору кытары билистим, элбэх доҕоттордоннум, улахан уопут ыллым.
Бу сырыым мин олохпор биир бэлиэ, умнуллубат, кэрэ түгэнинэн буолла. Бастатан туран, махтаныам этэ настаабынньыкпар Туяра Петровнаҕа, саха фольклоругар үөрэтэр салайааччыбар Саргылана Петровнаҕа, кырыымпаҕа үөрэппит Дьулустан Никифоровка уонна төрөппүттэрбэр.
Камелия Яковлева,
Маар орто оскуолатын 8 кылааһын үөрэнээччитэ, «Юла» медиа-киин эдкора.
Кэскил14.ру