Бүгүн, муус устар 16 күнүгэр, «Сосновый бор»лааҕырбытыгар «Расскажи о главном» медиасмена олус интэриэһинэй уонна суолталаах тэрээһинэ — бырайыактары көмүскээһин буолан ааста.
Оҕолор нэдиэлэ устата бөлөхтөргө арахсан, дириҥ чинчийии үлэтин ыыттылар, хамаанданан сомоҕолоһон үлэлииргэ үөрэннилэр. Ол курдук, уопсайа 9 хамаандаҕа арахсан, араас хайысхалаах бырайыактары билиһиннэрдилэр:
- Воспеваем «Зарницу»: «Зарница» в песнях и стихах.
- «Зарница» — игра, объединяющая поколения.
- История «Зарницы».
- Влияние проекты МИИ на развитие науки. Вдохновение будущего поколения школьников.
- Развитие интеллектуального потенциала на примере одного героя.
- История МИИ: Прошлое и настоящее.
- Олоҥхо туһунан «Кэскил» хаһыат суруйууларыгар (уруккуну анаарыы).
- Олоҥхо Ыһыаҕа «Кэскил» хаһыакка (уруккуну анаарыы).
- Олоҥхо Ыһыаҕын хронологията.
Оҕолор бырайыактарын Ольга Семенова, «Кэскил» оҕо бэчээтин кыһатын дириэктэрэ, Сергей Попов, СӨ Билим дьоҕус академиятын ураты дьоҕурдаах оҕолору сүрүннүүр киинин салайааччыта, Анастасия Собакина, «Кэскил» хаһыат редактор-стилиһа, дьүүллээтилэр.
Ол курдук, дьүүллүүр сүбэ түмүгүнэн бастыҥ хамаандалар ааттаннылар:
I миэстэ — 9-с хамаанда (Олоҥхо Ыһыаҕын хронологията);
II миэстэ — 5-с хамаанда (Герой холобуругар интеллектуальнай кыаҕы сайыннарыы);
III миэстэ — 7-с хамаанда («Кэскил» хаһыакка Олоҥхо туһунан суруйуулары анаарыы).
Миэстэлэспит хамаандалар дипломнарынан наҕараадаланнылар. Оттон кыайыылаах тахсыбыт 9-с хамаанда оҕолоро аныгы 3Д-оонньуурдары бэлэх ылан үөрдүлэр. Бары кыттыыны ылбыт оҕолорго, салайааччыларга ситиһиилээх үлэ иһин барҕа махталбытын биллэрэбит!
Эльмира Варламова, VI кылаас,
Настя Бандерова, VI кылаас,
Ф.Г. Охлопков аатынан Майа орто оскуолата.
Кэскил14.ру