Эҥэ нэһилиэгэр Сайдыы бөһүөлэгэр саҥа оскуола дьэндэйдэ. Оскуоланы аһыы үөрүүлээх түгэнигэр СӨ Ил Дархана Айсен Николаев кытынна, лиэнтэни быста. Айсен Сергеевич маннык саҥа үөрэх кыһата бөһүөлэккэ баар буолуута үөрэх эйгэтигэр үтүө эрэ өрүттээх буолуо диэн этэн туран, эҕэрдэтин тиэртэ.
Оскуолабыт икки мэндиэмэннээх, тус-туспа кабинеттардаах, сып-сырдык. Онон оҕолор үөрүүбүт сүрдээх. Ил Дархаҥҥа кылгастык оскуолабыт үлэтин билиһиннэрдибит.
Саҥа оскуолаҕа киирбиппитинэн Айсен Сергеевич Николаевка, оскуоланы туппут “ТСК+” ХЭТ тутуу тэрилтэтигэр уонна олохтоох дьаһалта баһылыктарыгар Руслан Русланович Семеновка, Виктор Анатольевич Бурцевка махталбытын тиэрдэбит.
Снежана Бурцева, XI кылаас үөрэнээччитэ,
«Саһарҕа» пост эдкора, Эҥэ, Дьааҥы.
keskil14.ru