Муус устар 25 күнүгэр, Саха Өрөспүүбүлүкэтин күнүн көрсө, Ньурба техническэй лиссиэйигэр 7 «а» кылаас салайааччылаах сэргэх бырааһынньык буолан ааста.
Сарсыардаттан үөрэнээччилэри алгыстаах алаадьынан маанылыы көрүстүлэр. Оҕолор уонна учууталлар бары сахалыы таҥаһы кэтэн, төрүт култуурабытын ытыктыырбытын көрдөрдүбүт.
Тэрээһинтэн видеоролик:
https://vk.ru/clip-199463452_456244821?c=1
Вова Гаврильева уонна Алияна Тимофеева салама туһунан оҕолорго кэпсээтилэр. Хас биирдии үөрэнээччи бэйэтэ салама ыйаата, бырааһынньыктааҕы киэргэтиини туспа дьүһүннээһини эбэн биэрдэ.
Салгыы оҕолор бары үөрэ-көтө оһуохайга — сомоҕолоһуу уонна үтүө санаа үҥкүүтүгэр төгүрүччү эргийдилэр. 11 «б» кылаас үөрэнээччитэ Афанасьева Айыына, 6 «б» кылаас үөрэнээччитэ Степанов Вова уонна лиссиэйбит үлэһитэ Виктория Михайловна оһуохай тылын этээччи буоллулар.
Барыгытын Саха Өрөспүүбүлүкэтин күнүнэн эҕэрдэлиибит!
«Объектив» медиа-киин юнкордара Алиса Булатова, Камилла Иванова уонна Сардаана Попова сырдаттылар.
Кэскил14.ру