Олунньу 3 күнүгэр Өҥөлдьө нэһилиэгиттэн Малдьаҕарга «Кыайыы уота» кэллэ. «Кыайыы уота» Ньурба улууһун эдэр ыччаттарын көҕүлээһиннэринэн атырдьах ыйын 28 күнүгэр Дьокуускай куорат Кыайыы болуоссатын мэҥэ уотуттан саҕыллан Ньурбаҕа кэлбитэ.
Аахсыйа Сэбиэскэй Сойуус Геройа майор Николай Николаевич Чусовской төрөөбүт нэһилиэгиттэн Антоновкаттан балаҕан ыйын 3 күнүттэн саҕаламмыта. Ыам 9 күнүгэр диэри улууспут бары нэһилиэктэрин кэрийиэхтээх уонна Кыайыы күнүгэр Ньурба куоратын Кыайыы болуоссатыгар ууруллуохтаах.
Кыайыы уотун эстафетатын Өҥөлдьө нэһилиэгин баһылыга Андрей Николаевич Павлов Малдьаҕар нэһилиэгин баһылыгар Александр Александрович Степановка туттарда. Бу улахан суолталаах бэлиэ түгэҥҥэ кыттыыны Ньурба улууһун бырайыактыыр салайыыга уонна общественноһы кытары үлэҕэ солбуйааччы, ыччат дьыалатын уонна имиджевай политикатын управлениятын салайааччыта Валерия Владимирова уонна Ньурба улууһун дьаһалтатын пресс-киинин салайааччыта Уйгууна Угапьева ыллылар.





Онон биһиги нэһилиэккэ биир нэдиэлэ устата патриотическай тыыннаах араас тэрээһиннэр ыытыллыахтара, ол кэнниттэн «Кыайыы уота» Маалыкай нэһилиэгэр айанныаҕа.
Бэлэмнээтилэр Коля Степанов, Артем Петров, юнкордар.
Малдьаҕар орто оскуолата, Ньурба.
keskil14.ru