Дьиэ кэргэн — олох туллар тутааҕа. Хас биирдии киһиэхэ дьиэ кэргэнэ кини саамай чугас дьоно буолар. Бүгүн мин бииргэ үөрэнэр дьүөгэм Мадина Байдаулетова дьиэ кэргэнин кытары билсиһиэхпит.
— Үтүө күнүнэн, Мадина! Төрөппүттэргин кытары, баһаалыста, билиһиннэр уонна дьиэ кэргэниҥ туһунан кэпсээ.
— Үтүө күнүнэн, Эрхан! Мин ийэм аата Ньургуйаана Анатольевна, аҕам — Сагындык Ануарбекович. Биһиги дьиэ кэргэммит уратыта – интернациональнай, ол аата ийэм омугунан саха, аҕам – казах.
— Олус интэриэһинэй дии. Дьиэ кэргэҥҥит хас сыллаахха тэриллибитэй уонна дьиэ кэргэҥҥитигэр ханнык бырааһынньыктары тэрийэҕитий?
—Биһиги дьиэ кэргэммит 2010 сыллаахха тэриллибитэ. Ураты туспа бырааһынньык диэн суох, ол эрээри биир үгэстээхпит: ийэбит төрөөбүт күммүтүгэр казах национальнай бүлүүдэлэрин астыыр.
— Сагындык Ануарбекович, бэйэ-бэйэни өйдөһүү төрүөтэ туохха сытарый?
— Убаастабылга уонна бэйэ-бэйэни өйөөһүҥҥэ дии саныыбын.
— Дьиэ кэргэҥҥитигэр ханнык бырааһынньыктары тэрийэҕитий?
— Биллэн турар, Саҥа дьыл, ыһыах. Оҕобут Мадина төрөөбүт күнүн тэрийэбит. Ньукуолуҥҥа бары айылҕаҕа тахсан кус миинэ буһаран, сайыммыт кэлбитин бэлиэтиибит. Өрөбүл күннэри, бырааһынньыктары дьиэ кэргэнинэн бииргэ бэлиэтиирбитин ордоробут.
— Быыс булан биһиэхэ дьиэ кэргэҥҥит туһунан кэпсээбиккитигэр Мадинаҕа, Ньургуйаана Анатольевнаҕа уонна Сагындык Ануарбековичка улахан махталбытын тиэрдэбит!
Байдаулетовтары кытары кэпсэтиини көрүҥ:
Эрхан Петров, VI «а» кылаас,
Ф.Г. Охлопков аатынан Майа орто оскуолата,
«Түмэн» медиа-киин.
Кэскил14.ру