Кулун тутар 20 күнүгэр Ф.Г. Охлопков аатынан Майа орто оскуолатыгар улуустааҕы алын кылаас үөрэнээччилэрин икки ардыларыгар ыытыллар «Сатабыл» чемпионат алтыс төгүлүн ыытылынна. Быйылгы сыл уратыта: 5-7 кылаас үөрэнээччилэрин икки ардыгар эмиэ күрэх буолла. Уопсайа 33 компетенция баар.
Алын кылаас оҕолоруттан 240 уонна орто кылаастартан 104 үөрэнээччи кыттыыны ылла. Бу чемпионат оҕолорго бэйэлэрин сатабылларын, үөрэхтэрин уонна олоххо наадалаах үөрүйэхтэрин сайыннарыыга улахан оруоллаах. Кыттааччылар араас хайысхаҕа — техника, айар үлэ, информатика, олох үөрүйэхтэрэ, ас астааһына о.д.а. — бэйэлэрин көрдөрдүлэр. Кыайыылаахтар уонна призердар дипломнарынан уонна мэтээллэринэн наҕараадаланнылар.
Бу курдук чемпионаттар оҕо аймахха бэйэлэрин билиилэрин кэҥэтиигэ, саҥа дьоҕурдарын арыйыыга уонна кэлэр олохторугар бэлэмнээх буолууга көмөлөһөллөр. «Сатабыл» чемпионат — үөрэх эйгэтин сайдыытыгар, оҕо аймах сатабылларын сайыннарыыга уонна улууспут инники сайдыытыгар суол арыйар улахан суолталаах тэрээһин.
Лилиана Попова, X «б» кылаас үөрэнээччитэ,
«Түмэн» медиа-киин кэрэспэдьиэнэ.
Кэскил14.ру