Бэс ыйын 14 күнүгэр Орто Амма нэһилиэгэр Үрүҥ Тунах Ыһыах ыһылынна. Ыһыахпыт Улуу Кыайыы 80 сылыгар уонна XXII «Манчаары оонньуулара» төрүт успуорт көрүҥнэригэр Спартакиада Тааттаҕа ыытылларыгар ананна.
Ыһыах алгыһын Василий Рахматулин көтөхтө. «Далбар» эбээлэр түмсүүлэрэ арчылаата. Мустубут ыалдьыттары, олохтоохтору быыппаҕынан, алаадьынан айах тутуу буолла. Кыайыы 80 сылыгар аналлаах дириҥ ис хоһоонноох дьүһүйүү көрдөрүлүннэ.
80 саастарын туолбут ытык мааны дьоммутун Е.Т. Протопованы, У.И. Сенькинаны нэһилиэк баһылыга А.И. Кулачиков эҕэрдэлээтэ. Бэтэрээн учуутал Л.Н. Малышеваҕа өр сыллаах үлэтин сыаналаан, нэһилиэк анал бэлиэтин туттарда. Үөрэхтээһин холбоһугун директора Л.А. Афанасьева идэҕэ уһуйуу бэтэрээннэрэ ытыктабыллаах Т.Е. Нюроваҕа уонна А.Е. Поповаҕа СӨ үөрэҕин министиэристибэтин анал дьоһун бэлиэлэрин туттартаата.
Үрдүк таһымнаах эҕэрдэ кэнсиэр кэнниттэн Афанасьевтар аймах нэһилиэккэ бэлэх ууммут Амма эбэни көрөн дуоһуйарга аналлаах олус үчүгэй ыскамыайкаларын арыйыы буолла. Бу сэттэ бииргэ төрөөбүт Афанасьевтар ыччаттара үлэ, тыыл бэтэрээннэрэ Виктор Куприянович Афанасьев, Татьяна Артемьевна Васильева быйыл 100 саастарын туолалларынан, Кыайыы 80 сылынан ыскамыайка туруордулар.
Салгыы оһуокайы таһаарыы күөн күрэһэ буолла. Манна үс улахан дьону сэргэ элбэх оҕо аймах кыттыһан, оһуокай уһуннук эҥээрийэн иһиллибитэ биир ураты үөрүүлээх көстүү буолла.
«Манчаары оонньууларын» көрсө ыһыах оонньуулара хайдах ааспытын туһунан спорт саала салайааччыта Күндүлээн Литвинцев иһитиннэриититтэн билсиҥ.
— Улуу Кыайыы 80 сылыгар уонна «Манчаары ооннууларын көрсө анаммыт үрүҥ тунах ыһыах күрэхтэһиилэрин түмүктэрин билиһиннэрэбит. Бу ыһыах уратыта диэн оҕолорго араас көрүҥҥэ күрэхтэһиилэр буоллулар. Бастакы кылаастан саҕалаан, оскуоланы бүтэрээччилэр тиийэ кыттан кыайыылаах үөрдэ, хотторооччу хомойдо, көрөөччүлэр оҕолороругар ыалдьан, олус көхтөөхтүк сэҥээрдилэр.
Кыргыттар сүүрүүлэрэ. 1-4 кылаастар:
Малышева Диана/ЫК/ -🥇
Борисова Амелия-🥈
Шестакова Саина-🥉
5-8 кылаастар:
Уварова Олеся-🥇
Бурцева Дарияна-🥈
Слепцова Диана/-🥉
9-11 кылаастар:
Данилова Алиана-🥇
Собакина Мотя-🥈
Егорова Милена-🥉
УОЛАТТАРГА сүүрүү
1-4 кылаастар:
Алексеев Айсен-🥇
Оготоев Дуолан-🥈
Захаров Айтал-🥉
5-8 кылаастар:
Иванов Валера-🥇
Васильев Айсен-🥈
Пономарев Илья-🥉
9-11 кылаастар:
Герасимов Викториан-🥇
Бродников Айархаан-🥈
Табунанов Айархаан-🥉
МАС ТАРДЫҺЫЫТЫГАР 50 киилэҕэ дылы 7 уол илин-кэлин түһүстүлэр. Муҥутуур кыайыылааҕынан кимиэхэ да иннин биэрбэккэ
Бродников Айархаан таҕыста 🥇
Иванов Валера 🥈
Малышев Тимур 🥉
ХАПСАҔАЙ эр дьоҥҥо 2 ыйааһыҥҥа буолла.
85 КИИЛЭҔЭ ДЫЛЫ 4 ыччат кииристэ:
Федоров Валера -🥇
Егоров Дьулус-🥈
Теряков Вася-🥉
85 үөһэ:
Васильев Юрий-🥇
Халыев Владик-🥈
Быгынанов Айаал-🥉
Буолбут күрэхтэрбитигэр спонсордаабыт дьоммутугар: М.С. Попова, А.А. Халыев, С.С. Суздалов, В.И. Попова, Ю.И. Васильев, С.И. Петров махталбытын биллэрэбит. Ону таһынан, элбэх оҕону спортка уһуйбут Михайлов Василий Степанович кэргэнигэр Пелагея Гаврильевнаҕа уонна ыччаттарыгар, Федоров Гаврил Романович оҕолоругар эмиэ махтал тылларын аныыбыт.
Күрэххэ кыттыбыт оҕолор, улахан дьон бары спонсордарбыт уонна олохтоох дьаһалта туруорбут бириистэринэн, харчынан бэлэх туттулар.
Онон, буоларын курдук, күөх сайыны уруйдуу көрсөр ыһыахпыт үрдүк таһымҥа ыһыллан, бар дьоммут астынна, арчыланна. Аны бары күүһү «Манчаары оонньууларын» ыытыыга күүс-көмө буолуохпут диэн баҕа санаалаах тарҕастыбыт.
Мантан сайын от-мас үлэтигэр, кыһыҥҥа бэлэмнэниигэ күүстээх үлэҕэ турунуу буолуоҕа.
Валентина Кривошапкина, Харбалаах, Таатта.
keskil14.ru