Бэс ыйын 19 күнүгэр Байаҕантай нэһилиэгэр Улуу Кыайыы 80 сылыгар, Арассыыйаҕа Аҕа дойдуну, Саха Өрөспүүбүлүкэтигэр Ийэ дойдуну көмүскээччилэр сылларыгар аналлаах Кыайыы ыһыаҕа буолан ааста.
Үрүҥ Тунах ыһыах аһыллыытын сиэрэ-туома «Дьөһөгөй» үнкүүнэн саҕаланна. Нэһилиэк олохтоохторун Игнатий Слепцов алгыстаата. Нэһилиэкпит талааннаах дьоно бэйэлэрин үҥкүүлэрин, ырыаларын бэлэх ууннуллар.
Бу күн нэһилиэк дьаһалтата убаастабыллаах бэтэрээннэрбитигэр, олохтоох музейбытыгар Кыайыы 80 сылынан нэһилиэкпит түөрт Геройдарын бэлиэлээх чороону туттардылар.
— Биһиги нэһилиэкпитигэр сайдыы баран иһэрин көрө-истэ сылдьабыт. Өр күүтүүлээх, элбэх туруорсуулаах үлэлэрбит ыытыллан, салҕанан иһэллэр, — диэн этэр нэһилэкпит баһылыга Савва Иванович Егоров.
«Кыынньар кымыстаах, эмис эттээх түһүлгэ». Түһүлгэнэн олорон аһаатыбыт. Ол кэнниттэн ыһыах күрэхтэһиилэрэ саҕаланнылар.
«Дойдубар тапталбын ырыабар ыллыыбын» биирдиилээн ырыаны толорууга куонкуруса улахан дьоҥҥо Готовцев Дмитрий, Готовцев Иван, Матвеева Уйгулаана, оҕолорго Готовцева Снежанна, Софронов Чаҕыл, Иустинья Кривошапкина миэстэлэстилэр.
«Сахам мааны киэргэлэ» саха симэҕин куонкуруһугар Готовцева Анжелина бастаата.
«Бастыҥ олохтоох Байаҕантай түөлбэтэ»
түөлбэлэр икки ардыларыгар түһүлгэни киэргэтии көрүү куонкуруһугар «Эрчим» түөлбэ бастаата.
Остуол оонньууларыгар — хабылыкка
Готовцев Демид (Дьокуускай), Готовцева Камилла, Аммосова Карина; иэрэгэйгэ Готовцева Виктория, Семенов Виктор (Дьокуускай), Чичигинарова Арина (Дьокуускай) кыайыылааҕынан таҕыстылар.
Бу күн «Тыыннаахтар умнубат сыллара…» Улуу Кыайыы 80 сылыгар аналлаах Өйдөбүнньүк Күннэрин уонна Тандатааҕы түмэл быыстапкалара турда. Ыалдьыттар олуһун сэргээтилэр уонна интэриэһиргээтилэр.
«Байаҕантай Боотур» — бу биһиги нэһилиэкпитигэр үһүс сылын ыытыллар, ыһыах саамай күүтүүлээх күрэхтэһиитэ.
Быйыл 11 бөҕөс кыттыыны ылла: Егоров Иван, Дьячковскай Семен, Сивцев Арылхан, Готовцев Арсен, Находкин Өркөн, Саввин Артем, Аммосов Филипп
Вензель Егор, Щербак Андрей, Колодезников Ньургун, Иванов Иван.
Күрэхтэһии көрүҥнэрэ: үс төгүл үс, тутум эргиир, мас тардыһыы, 400 м сүүрүү, хапсаҕай, таас көтөҕүүтэ.
Күрэхтэһии сүрүн бириистэрэ: 1 миэстэ — мотоцикл, 2 миэстэ — 70 тыһ. солк., 3 миэстэ — мотокоса.
Илин кэлин түсүһүү, ыһыылаах-хаһыылаах күрэх түмүгүнэн кыайыылаахтарынан ааттаннылар: 1 миэстэ — Егор Вензель; 2 миэстэ — Дьячковскай Семен; 3 миэстэ — Находкин Өркөн уонна сүрүн бириис хаһаайыннарынан буоллулар.
Ыһыахха оонньоммут лотереяҕа сүрүн бирииһи — 50 тыһ. харчыны 7-с кылаас үөрэнээччитэ Байаҕантаайап Уйгун сүүйдэ.
Күндүүнэ ЕГОРОВА, М.Н. Готовцев аатынан Танда орто оскуолата,
Уус Алдан
Туйаара Мамонтова видеота