Быйыл Улуу Кыайыы 80 сылын бэлиэтиибит. Хас биирдиибит Кыайыыны уһансыбыт дьоммутун: эһэлэрбитин, хос эһэлэрбитин ахтабыт-саныыбыт, киэн туттабыт, кинилэргэ сүгүрүйэбит.
Онтон билиҥҥи кэмҥэ Аҕа дойду Улуу сэриитин кэмигэр саллааттар туттубут, кыайыыны аҕалбыт малларын илэ тутан көрбүт киһи, мин саныахпар, ахсааннаах. Биһиги Бэрдьигэстээхтээҕи Бэтэрээннэр дьиэ-түмэллэригэр ыалдьыттаатыбыт. Ол курдук, ый устата бу дьиэҕэ Бэрдьигэстээҕи кыраайы үөрэтэр түмэл экспонаттара быыстапка быһыытынан туруохтара.
Манна Албан Аат III истиэпэннээх, Аҕа дойду Улуу сэриитин I истиэпэннээх уордьаннарынан наҕараадаламмыт Василий Михайлович Абрамов синиэлин көрдүбүт. Ону тэҥэ, Аҕа дойду Улуу сэриитигэр кыайыыны аҕалбыт Калашников саатын, Ржев куорат, Мамай курганнарыгар буолбут кыргыһыылар сирдэриттэн буордары, флягалары, иһиттэри тутан көрдүбүт. Биир сэҥээрбит малбытынан Пермь куоракка оҥоһуллубут связистар төлөпүөннэрэ буолар. 5 киилэ курдук ыйааһыннаах төлөпүөнү илдьэ сылдьан, Морзе азбукатын туһанан, элбэх иһитиннэриини ыыппыт буолуохтаахтар.
Сэдэх экспонаттары көрөммүт, Аҕа дойду Улуу сэриитигэр ыарахан да кэмнэр ааспыттар эбит диэн, Улуу Кыайыы улахан сыранан, дьулуурунан уонна тулуурунан кэлбитин өссө төгүл өйдөөтүбүт, бэйэбит тутан-хабан, көрөн-истэн элбэҕи биллибит.
Сиһилии видео-матырыйаалбытыгар көрүҥ:
Витя Дьячковскай, 5 «Б» кылаас үөрэнээччитэ, С.П. Данилов аатынан Бэрдьигэстээх орто оскуолатын «Сайдам» медиакиин эдэр кэриспэдьиэнэ, Горнай