Бүгүн, бэс ыйын 27 күнүгэр, Улуу Туймаада хочотугар Үрүҥ Тунах Ыһыах!
Аҕыс иилээх — саҕалаах
Аан ийэ дойдуга
Ананан кэлбит,
Айылҕаттан айдарыылаах
Амарах санаалаах
Айыы оҕото!
Улуу Туймаада
Уйгулаах ыһыаҕар
Арчыланан, ыраастанан,
Сиэри — туому толорон,
Алгыс алыптаах тыла
Айыылар, иччилэр
Аартыктарын арыйар
Аналлаах кэмигэр,
Эйиэхэ айылҕа ситимэ
Өйгөр — санааҕар иҥиэхтин,
эккэр — хааҥҥар сөҥүөхтүн.
тускуллаах чөл бэйэҕэр
Уйгу — быйаҥ олохтоннун!
Тускуо!!!