Семён Дмитриевич Флегонтов аатынан Хадаар орто оскуолатын быйыл 6 оҕо бүтэрэр: Листикова Марта, Рязанская Мильяна, Ксенофонтов Александр, Герасимов Владимир, Ноговицына Арияна уонна Степанов Артур. Кылаас салайааччыта – Саак Надежда Владимировна.
Тиһэх чуораан күн выпускниктарбыт олус кэрэтик таҥнан, элбэх эҕэрдэ тыллары истэн, бэлэх, стипендия тутан, үөрэн-көтөн сырыттылар. Ону таһынан биһиги, 9-с кылаасстар, эмиэ 8-с кылаас үөрэнэччилэриттэн эҕэрдэ тыллаах бэлэх туттубут. Кылааспыт салайааччыта Григорьева Лидия Михайловна биһиэхэ эксээминнэрбитигэр ситиһиини баҕарда.
Оскуолабыт дириэктэрэ Тарасов Петр Петрович выпускниктарга анаан истиҥ эҕэрдэтин анаата.
Түмүккэ мустубут дьон бары Тиһэх чуораан минньигэс тордун амсайдыбыт. Учууталларбыт Яковлева Владислава Семёновна, Протопопова Саргы Юрьевна, Лукин Иван Александрович уонна Соловьев Петр Петрович музыкальный нүөмэр көрдөрдүлэр.
Мин санаабар, Тиһэх чуораан үөрүүлээхтик, эйэлээхтик буолан ааста. Саамай сөбүлээбитим – выпускниктар вальстара, учууталлар ураты бэлэхтэрэ уонна музыкальнай нүөмэрдэрэ.
Виталий ОРЛОВ, IX кылаас,
С.Д. Флегонтов аатынан Хадаар орто оскуолата, Чурапчы