Аан дойдутааҕы исследовательскай оскуола үлэлээбитэ бэһис күнэ барда. Оҕолор уон тиэмэнэн хамаандаҕа арахсан үлэлииллэр. Билигин Нам улууһуттан сылдьар Антон Колесовы кытары кэпсэттибит.
Ханнык тиэмэнэн бырайыак оҥороро сылдьаҕыт?
Биһиги хамаандабыт «Состояние водоема в окрестностях села Чаппаево по методу индикации» диэн тиэмэнэн үлэлиир. Ол аата Чаппаево дэриэбинэтин таһынааҕы күөллэр туруктарын чинчийэбит.
Бырайыаккыт туһунан кылгастык кэпсиэн дуо?
Бастакы күнүгэр дьон туттар күөллэригэр сылдьыбыппыт, онтон үөн-көйүүр хомуйбуппут. Билигин бу үөннэри мендикация ньыматынан талан, күөл баалын үөрэтэбит. Онтон Майарын индэксинэн күөл төһө ыраас эбэтэр кирдээҕин быһаарабыт.
Бырайыак кэмигэр ханнык саамай уустук садаачаны көрүстүгүт?
Сүрүннээн презентацияны оҥорууга уустугурдубут. Бүгүн тьюторбыт суох буолан хаалла, оҕолорбут да барыта тохтоон хаалла. Өссө уустуга диэн бырайыакпытын атын омук тылынан кэпсииргэ бэлэмнэниитэ.
Түмүктэн тугу күүтэҕиний?
Бу бырайыак миэхэ бэйэбэр наадалаах, чинчийэр үлэбэр маннык ньыма баарын сайыннараары суруйтарбытым. Маннык үөрэнэ-хото сылдьан, элбэҕи билиэхпин уонна саҥа табаарыстаныахпын баҕарабын.
Бу Аан дойдутааҕы исследовательскай оскуола туһунан хайдах билбиккиний?
Былырыын ЯМИШ-ка сылдьыбытым. Онно оҕолор МИШ-ка бардыбыт диэбиттэрэ, мин сайаапка ыыппытым, талыллан, билигин манна кытта сылдьабын.
Аан дойдутааҕы исследовательскай оскуола эн санааҕар хайдах ааһа турарый?
Мин санаабар үчүгэйдик ааһар. Бары бииргэ дьарыктанабыт, атын омук оҕолорунуун билсэн, үөрэнэн-үлэлээн эмиэ үчүгэй. Элбэх саҥа билиини ылабыт.
Алена Таппырова, юнкор МИИ-2026