Самаан сайын — оҕолорго көҥүл көччүйүү, оонньуу-көр, сынньалаҥ кэмэ. Бу кэмҥэ оҕолор күүстэрин-уохтарын чөлүгэр түһэриэхтэрин, таптыыр дьарыктарынан дьарыктаныахтарын , айылҕаны чинчийиэхтэрин эбэтэр саҥа үөрүйэхтэри баһылыахтарын сөп.
Мин сайыҥҥы өрөбүллэрбэр Үөhээ Бүлүүгэ эhэлээх эбэбэр күүлэйдии бара сырыттым. Бүлүү өрүскэ дуоһуйа сөтүөлээн, пааркаҕа күүлэйдээн, астына сынньанан Дүллүкүбэр кэлбитим. Кэлэн дьоммор хортуоска көмөн көмөлөстүм. Онтон быраатым Андрей төрөөбүт күнүн ыла, дьиэ кэргэнинэн өрүскэ балыктыы бара сырыттыбыт. Маннык мин сайыным көхтөөхтүк ааһар. Сотору от кэмэ саҕаланыа. Оҕолуун-улаханныын бары кыстыкка бэлэмнэнэр көхтөөх үлэҕэ турунуохпут.
Күөх сайыны туһалаахтык атаарыаҕыҥ.
Сиһилии:
Ньургун Романов, 7 кылаас, «Эрчим» медиакиин, Дүллүкү, Үөһээ Бүлүү