Кеша Алексеев аатын сугэр Хаптаҕай орто оскуолатын сонуннарыттан бүгүн эдэр кэрэспэдьиэннэр суруйууларыттан билсиҥ.
Улууспутугар «Зарницаҕа» иккис миэстэ буоллубут
Бүтүн Арассыыйатааҕы оҕолору Аҕа дойдуга бэриниилээх буолууга иитэр «Зарница » оонньуу күрэҕэр кыттан оскуолабыт хамаандата улууска 2 миэстэ буолары ситистэ. Барыта 7 көрүҥнээх күрэх буолла, ол курдук строевой бэлэм (2м.), «Бастакы көмө» (1м.), визитка (2м.), ыйытык (2м.), «Зарничка»(3м.), «Бэргэн ытааччы» (3м.).
«Зарница» оонньуу дойдуга бэриниилээх буолууга, кыайыыга дьулууру, хамаандаҕа үлэлииргэ иитэр. Ситиһиилээх хамаандаҕа эҕэрдэ!
Нюргустана Иванова, «Кустук» медиастудия эдкора, 7 кылаас үөрэнээччитэ.
Хайыһарга ситиһиибит үгүс
Хайыһар кэмэ түмүктэнэн эрэр. Оскуолабыт хайыһардьыттара бу сезоҥҥа ситиһиилэрэ үгүс.
Бастакы күрэх Павловскайга буолбута. Күрэххэ: Терентьева Алина —1 м., Огушаев Вадим —1 м., Зыкова Настя — 1 м., Дьячковская Алиса — 1 м., Зыков Миша — 1 м.
Саха Өрөспүүбүлүкэтин Кубогар: Алина — 1 м., Вадим — 6 м., «Манчаары оҕолоро» күрэххэ: Алина, Настя, Вадим, Дьячковская Алиса бастаатылар, эстафетаҕа уолаттар — 1 м., кыргыттар иккис буолары ситистилэр.
Саха сиригэр хайыһар күрэҕин 100 сылыгар: З. Настя, О. Вадим Т. Алина кытыннылар.
Хайыһарынан утумнаан туран дьарыктанар Алина Терентьева, Вадим Огушаев, улуус хамаандатын чилиэннэрэ, сылтан сыл көрдөрүүлэрэ үрдээн, ситиһиилэрэ элбээн иһэр.
Оскуолабыт хайыһардьыттарыгар истиҥ эҕэрдэ!
Күннэй Дьячковская, «Кустук» медиастудия эдкора, 7 кылаас үөрэнээччитэ.
Кэскил14.ру