Бүгүн, балаҕан ыйын 3 күнүгэр Иккис аан дойду сэриитэ түмүктэммит сылын бэлиэтиибит. «Туймаада саллаата» мемориальнай комплекска буолан ааспыт долгутуулаах анал тэрээһиҥҥэ, Айыы кыһатын 9 «Г», 10-с кылаас үөрэнээччилэрэ сибэкки дьөрбөтүн уурууга кыттыыны ыллыбыт.
Ол кэнниттэн бары бииргэ мустан, оскуолабыт тиэргэнигэр сибэкки, оҕуруот аһын (биэрэс, тыква, помидор, кабачок) хомуйуутугар, таһырдьаттан сибэккилэрбитин көһөрүүгэ күргүөмүнэн үлэлээтибит.
Бэс ыйыттан саҕалаан оскуолабыт тэлгэһэтэ кэрэ көстүүлэнэригэр туруулаһар убаастабыллаах Любовь Семеновна Бубякина, Александра Петровна Аржакова сайын устата оҕуруот аһын хоточчу үүннэрэн, көрүөхтэн кэрэ сибэккинэн симээн, үгүс үлэни ыыттылар.
Тиэргэн үлэтин бүтэрэн баран өйдөбүнньүк хаартыскаҕа түстүбүт. Бүгүҥҥү күн өссө дойду үрдүнэн терроризмы утары биир санааланыы күнэ. Онон үтүө дьыаланы оҥорбуппут сүргэбитин эбии көтөхтө.
Сандаара НЕУСТРОЕВА, Х «В» кылаас,
«Айыы Кыһата» национальнай гимназия, Дьокуускай