А. И. Леонтьев аатынан Лѳкѳчѳѳн орто оскуолатын тэрийиитинэн Лөкөчөөн нэһилиэгэр «Боруллуо алыһардаах” күөлүгэр саха төрүт үгэһэ – балыктааһыҥҥа уол оҕо күнүнэн уолаттарга аналлаах күрэхтэһии буолла.
Сэттэлии киһилээх 4 хамаанда кыттыбыта: Лөкөчөөнтөн икки, Тааһаҕар, Илбэҥэ. Биһигини учууталбыт Антонов Аян Анатольевич салайан илдьэ сылдьыбыта.
Күрэхтэһии түһүмэхтэрэ:
- Уот оттуу, уу оргутуу (бириэмэҕэ).
- Ойбон алларыы.
- Хаар анныттан балыктары хомуйуу.
- Буурунан мууһу үүттээһин.
- Тоҥуу хаарынан сүүрүү.
- Канат тардыһыы.
- Күөгүлээн балыктааһын.
Түмүккэ 1 миэстэ Лөкөчөөн «Лөкөй” хамаандата, 2 миэстэ Лөкөчөөн “Хотой” хамаандата, Илбэҥэ уолаттарын “Баппаҕай” хамаандата 3 миэстэҕэ тиксэн үөрүүлэрэ баһаам, 4 миэстэ Тааһаҕар “Булчуттар” хамаандата.
Хамаанданан күрэх таһынан көҥүл балыктааһын күрэҕэ ыытыллыбыта. Онно 5 оҕо кыттыбыта. Харлампьев Георгий “Саамай улахан балык” номинация кыайыылааҕынан буолла.
Сааскы сайаҕас күҥҥэ оҕолор сибиэһэй салгыҥҥа сылдьан, оонньоон, күрэхтэһэн, өбүгэлэрбит үтүө үгэстэрин эппитинэн – хааммытынан биллибит, астына сырыттыбыт.
Харлампьев Георгий, V кылаас,
«Көмүс бөрүө” медиа-киин,
М.А.Алексеев аатынан Баппаҕаайы оскуолата,
Илбэҥэ, Бүлүү