Олунньу 26-28 күннэригэр Бордоҥ агро хайысхалаах оскуолата Сунтаарга Саха Өрөспүүбүлүкэтин агрооскуолаларын икки ардыларыгар XV-с төгүлүн ыытыллар «Өбүгэ оонньуулара» этнофестивалы тэрийэн ыытта. Бу күрэххэ 7 улуустан уонна Дьокуускай куорат уокуругуттан барыта холбоон 9 хамаанда күөн көрүстэ.
Ол курдук кырылас кумахтаах Бүлүү эбэ тардыылаах, Чап уустара уутуйан олохсуйбут Үөһээ Бүлүү улууһун Дьүөгэ Ааныстыырап аатынан Кэнтик орто оскуолата, Сахабыт сирин биир саамай ыраас Матта үрэхтээх, Сиинэ остуолбалаах, бэрдьигэстээх кырдаллаах Горнай улууһуттан Маҕарас орто оскуолата, аатырбыт эмис соболоох, киэҥ Нидьили эбэлээх кэскиллээх Кэбээйи улууһуттан Кэбээйи орто оскуолата, Манчаары Баһылай төрөөбүт сириттэн Мэҥэ Хаҥалас улууһун Владимир Петрович Ларионов аатынан Майа орто оскуолата, дьоллоох Дьокуускай туонатыгар ыаллыы сытар, үүнэр-сайдар кэскиллээх, киэҥ нэлэмэн хонуулаах, баай дириҥ силистээх-мутуктаах Хатас нэһилиэгин Хатас орто оскуолата, ытык Өлүөнэ очуостардаах, суорба таас хайалардаах, Улуу Өлүөнэ эбэлээх Хаҥыл Хаҥалас, Бөртө сирин Улахан Аан нэһилиэгин 2 Малдьаҕар орто оскуолата, хатыҥнардаах чараҥнардаах, аҥаат-муҥаат алаастардаах, спорду өрө туппут ыччат дьоннордоох Чурапчы улууһун Мындаҕаайы нэһилиэгин Амма орто оскуолата, олоҥхо дойдута Сунтаар улууһун, үтүө-мааны дьоннордоох, үүнэр-сайдар ыччаттаах күннээх Күндэйэ нэһилиэгин Күндэйэ орто оскуолата уонна Бордоҥ орто оскуолата.
Петр Гаврильевич Дягилев, СӨ агрооскуолаларын Союзтарын салайааччыта:
«Былырыын 18 хамаандаттан Бордон оскуолата кыайан, бэстибээл быйыл Сунтаар улууһугар буолла. Санаабар тэрээһин олус үчүгэйдик, туох да тардыллыыта суох бэстибээл тосхолунан чуолкайдык буола турар. 9 хамаанда кэллэ. Киин улуустартан эбии кэлиэхтэрэ дии санаабыппыт ол эрэн атын тэрээһиннэргэ бэлэмнэнэр буолан кэлбэтилэр. Бу бэстибээлгэ күүстээх хамаандалар бары кэллилэр, бары үс иһигэр — бастыҥнарга сылдьар хамаандалар» — диэн этнофестиваль туһунан бэйэтин санаатын үллэстэр.
Кыттааччылар икки күн устата 11 көрүҥҥэ күүстээҕи быһаардылар:
Бэйэни билиһиннэрии
1 миэстэ — Бордоҥ, Сунтаар
2 миэстэ — 2-Малдьаҕар, Хаҥалас
З миэстэ — Маҕарас, Горнай
Oҕунан ытыы
1 миэстэ — Амма, Чурапчы
2 миэстэ — Кэбээйи, Кэбээйи
3 миэстэ — Майа, Мэҥэ-Хаҥалас
Кириэс тэбии
1 миэстэ — 2-Малдьаҕар, Хаҥалас
2 миэстэ — Күндэйэ, Сунтаар
3 миэстэ — Бордоҥ, Сунтаар
Көтөх ынаҕы туруоруу
1 миэстэ — Күндэйэ, Сунтаар
2 миэстэ — Бордоҥ, Сунтаар
3 миэстэ — 2-Малдьаҕар, Хаҥалас
Ойбонтон уулааһын
1 миэстэ — Бордоҥ, Сунтаар
2 миэстэ — Күндэйэ, Сунтаар
3 миэстэ — 2-Малдьаҕар, Хаҥалас
Олоҥхо
1 миэстэ — Бордоҥ, Сунтаар
2 миэстэ — Кэнтик, Үөһээ Бүлүү
3 миэстэ — 2-Малдьаҕар, Хаҥалас
Хабылык
1 миэстэ — Бордоҥ, Сунтаар
2 миэстэ — Кэнтик, Үөһээ Бүлүү
3 миэстэ — 2-Малдьаҕар, Хаҥалас
Хаамыска
1 миэстэ — Бордоҥ, Сунтаар
2 миэстэ — 2-Малдьаҕар, Хаҥалас
3 миэстэ — Күндэйэ, Сунтаар
Тутум эргиир
1 миэстэ — 2-Малдьаҕар, Хаҥалас
2 миэстэ — Бордоҥ, Сунтаар
3 миэстэ — Күндэйэ, Сунтаар
Наарта ойуу
1 миэстэ — Маҕарас, Горнай
2 миэстэ — 2-Малдьаҕар, Хаҥалас
3 миэстэ — Күндэйэ, Сунтаар
Хабылык (салайааччылар)
1 миэстэ — Кэнтик, Үөһээ Бүлүү
2 миэстэ — 2-Малдьаҕар, Хаҥалас
3 миэстэ — Бордоҥ, Сунтаар
Күрэхтэһии түмүгэр муҥутуур Кыайыылааҕынан иккис төгүлүн Сунтаар улууһун Бордоҥ орто оскуолата буолла, иккис миэстэни М.Е. Васильева аатынан 2-с Малдьаҕар орто оскуолата ылла, Сунтаар улууһун Б.Н. Егорова аатынан Күндэйэ орто оскуолата үһүс миэстэ буолла.
Бары көрүҥнэр түмүктэринэн кыргыттарга чемпион үрдүк аатын Алексеева Альберта (2-Малдьаҕар оскуолата), уолаттарга — Прокопьев Дархан (Күндэйэ оскуолата) ыллылар. Ыраах айантан саллыбакка күрэххэ кытта кэлбит, өбүгэ оонньуутун өрө тута сылдьар улуустар хамаандаларыгар махтанабыт.
Алена МАКСИМОВА, XI кылаас,
Бордон орто оскуолата, Сунтаар