Ньурбаҕа бу күннэргэ Саха Өрөспүүбүлүкэтин спордун уонна физическай култууратын Министиэристибэтин күннэрэ ыытылла тураллар. Бу күннэр чэрчилэринэн ахсынньы 1 күнүгэр ДЮСШ спортивнай саалатыгар Аан дойду көҥүл тустууга чемпиона, Европа призера уонна олимпиада кыттыылааҕа Герман Степанович Контоев Ньурба эдэр тустууктарыгар маастар-кылаас ыытта.
Баай уопуттаах, элбэх билиилээх маастар араас албастары, техникалары көрдөрдө. Дьарык ыытан, оҕолору тургуталаан көрдө. Биирдиилээн сүбэ-ама биэртэлээтэ. Тустууну сөбүлүүр оҕолор бары бүгүн мустан туһалаах үөрэҕи ылыннылар, чемпиону кытары алтыһан астыннылар.
Саша Жданов, «Ыллык» эдкорпост,
Ньурба, Хаҥалас.