Алтынньы 22 күнүгэр А.З. Моякунов аатынан спорткомплекска оҕолорго мини-футболга улуус аһаҕас турнира буолла. Барыта 8 хамаанда кытынна: Бүлүүчээн, Сунтаар 1 ,2,3 нүөмэрдээх оскуолалара, лицей, гимназия, Кириэстээх, Куокуну, Элгээйи нэһилиэктэрэ.
Сытыы киирсии түмүгэр бастакы миэстэни Сунтаар бастакы нүөмэрдээх орто оскуолатын хамаандата, иккис миэстэни лицей хамаандата, үһүс миэстэни Элгээйи хамаандата ыллылар.
Биирдиилээн оҕолорго: «Бастыҥ оонньооччу», «Бастыҥ нападающай», «Бастыҥ көмүскээччи», «Бастыҥ вратарь», «Кэскиллээх оонньооччу» анал ааттар туттарылыннылар.
«Бастыҥ нападающай» анал ааты Владимир Семенов, Сунтаар бастакы нүөмэрдээх орто оскуолата ылла, онтон «Бастыҥ оонньооччу» анал ааты — Никита Ефремов, лицей.
Оҕолоор, спорду сөбүлээҥ уонна дьарыктаныҥ!
Стас Любенко, Сунтаар бастакы нүөмэрдээх орто оскуолатын медиа-киин эдкора.