Алтынньы 13-15 күннэригэр Дьокуускай куоракка ыытыллыбыт бүтүн Өрөспүүбүлүкэ таһымнаах «Открытие сезона» мас тардыһыы турнирыгар Мэҥэ Хаҥалас А.В. Чугунов аатынан Мэлдьэхси орто оскуолатыттан Николай Федотович Михайлов тириэньэрдээх 10 мадьыныбыт кыттан ситиһиилэри көрдөрдүлэр:
— 7 кылаас үөрэнээччитэ Эвелина Михайлова – 2 миэстэ,
— 9 кылаас үөрэнээччитэ Афоня Игнатьев – 2 миэстэ,
— 10 кылаас үөрэнээччитэ Никита Баишев – 2 миэстэ.
Күрэх кыттыылааҕын кытта сэһэргэстибит:
- Үтүө күнүнэн, миэстэлэспиккинэн эҕэрдэ! Бэйэҕин билиһиннэр.
-Үтүө күнүнэн, мин аатым Михайлова Эвелина, Мэлдьэхси орто оскуолатын 7 кылааһын үөрэнээччитэбин.
- Хаһааҥҥыттан мас тардыһыытынан дьарыктанаҕын? Өрөспүүбүлүкэ таһымнаах күрэххэ хаһыс кыттыын буоларый?
-Мин мас тардыһыынан былырыыҥҥыттан дьарыктанан саҕалаабытым. Бастакы тириэньэрим Плотникова Лия Петровна. Өрөспүүбүлүкэҕэ бастакыбын кытынным. Долгуйан, үөрэн турабын.
- Күрэххэ төһө элбэх хамаанда баарай? Кыттааччы?
-Уопсайа күрэххэ 45 хамаанда кытта кэлбит. 344 мадьыны кыттыыны ылла.
- Бэйэҥ саастыы оҕолорго спордунан дьарыктаналларыгар тугу баҕарыаҥ этэй?
— Ис сүрэххититтэн сөбүлүүр дьарыккытын булуҥ. Бэйэҕит дуоһуйууну ылар, кэрэхсэтэр көрүҥҥүтүн талыҥ. Ол талбыт спорт көрүҥэр тулуурдаах уонна сыаллаах буолуҥ. Спорт эһигини күүстээх, эрчимнээх уонна ситиһиилээх оҥоруо! Кыайыылары уонна ситиһиилэри баҕарабын.
Кыайыылаах оҕолору уонна кинилэр тириэньэрдэрин Николай Федотович Михайловы ис сүрэхтэн эҕэрдэлиибит! Инникитин да үрдүк ситиһиилэри, күүстээх санааны уонна кыайыыга дьулуһууну баҕарабыт!
Саяна Окорокова, VIII кылаас,
А. В. Чугунов аатынан Мэлдьэхси орто оскуолатын
«Үктэл» медиа-киин кэрэспэдьиэнэ