Бүгүн, ахсынньы 1 күнүгэр, Сахабыт сирин үрдүнэн «Кыһын Саха сириттэн саҕаланар» бэстибээл чэрчитинэн саҥа дьыллааҕы харыйа уота сандаарар үөрүүлээх тэрээһинэ ыытыллар. Арассыыйа үрдүнэн аан бастакынан Саҥа дьыллааҕы харыйа уота Саха сиригэр күлүмүрдээн тыгыаҕа.
Дьокуускай куоракка Саҥа дьыллааҕы харыйа уотун сандаардыы тэрээһинэ бүгүн Ленин аатынан болуоссакка 16.00 чаастан буолуоҕа.
Үөрүүлээх тэрээһинтэн быһа холбонууну «Саха» НКИК, «Якутия 24» ханаалларга көрүөххүтүн сөп.
Уруһуй ааптара Сахая Солдатова.