Н.Е.Мординов-Амма Аччыгыйа аатынан «Кэскил» оҕо бэчээтин кыһатын айар дьоҕурдаах кэлэктиибэ, эрэллээх доҕотторо, «Кэскиллиин» алтыспыт, урут үлэлээн ааспыт үтүө дьоммут, күндү биир идэлээхтэрбит!
Бу дьыл сэтинньи 30 күнүгэр «Подари подписку!» диэн үтүө үгэскэ кубулуйбут сурутуу аахсыйатыгар кыттаргытыгар ыҥырабыт!
Күндү доҕоттор!
Бу күн эһиги төрөөбүт дойдугутугар, үөрэммит оскуолаҕытыгар, чугас дьоҥҥутугар, эрэдээксийэ бэтэрээннэригэр «Кэскил» оҕо бэчээтин кыһата айан таһаарар оҕо-аймах тапталлаах сурунаалларыгар «Чуораанчыкка», «Колокольчикка+», «Юность Севера: Аrctic Ideas», сөбүлээн ааҕар хаһыаккытыгар «Кэскилгэ» сурутууну бэлэх оҥоруоххутун сөп.
Онон, бэртээхэй түгэни мүччү тутума, оҕолорбутугар ааҕар эйгэни бары бүттүүн тэрийиэҕиҥ! Ааҕар оҕо хаһан баҕарар бары өттүнэн сайдыылаах буолар.
Буолар күнэ: сэтинньи 30 күнэ 2021 с., саҕаланар сарсыарда 11 чаастан.
Буолар сирэ: Орджоникидзе уул. 31, «Кэскил» оҕо бэчээтин кыhата.
Бу күн «Почта России» үлэһитэ кэлэн, миэстэтигэр сурутууну тэрийиэҕэ.
Бары көхтөөх кыттыыны ыларгытыгар ыҥырабыт!