Алтынньы 22 күнүгэр оскуолабытыгар Аҕа күнүн бырааһынньыгар анаан күрэхтэһиини тэрийдибит.
Уопсайа 9 аҕа «Хотой» уонна «Байанай» диэн хамаандаларга арахсан, ыстаныы, эстафета, канаат тардыһыыта курдук көрүҥнэргэ күрэхтэстилэр.
Күрэхтэһиини учууталбыт Александр Петрович Лукин толкуйдаан, иилээн-саҕалаан ыытта. Көрөөччүлэринэн уонна ыалдьааччыларынан учууталлар, төрөппүттэр уонна буоллулар.
Түмүккэ «Байанай» хамаанда кыайан, күрэхтэһии сүрүн бирииһин, грамота тутта. «Хотой» хамаанда эмиэ Грамота ылла.
Мин бу тэрээһиҥҥэ сөбүлээбитим диэн аҕалар бэйэлэрин күүстээх өттүлэрин көрдөрдүлэр. Үөрэ-көтө сылдьыбыттарын сылаастык ылынным, бэйэм эмиэ үөрдүм. Бу кыттыбыт аҕалар оҕолоро көрөннөр, бука, киэн туттуннахтара, астыннахтара. «Улаттахпына мин эмиэ маннык күүстээх, түргэн, сымса буолуом» дии саныыбыттара чахчы.
Виталий ОРЛОВ, Х кылаас, С.Д. Флегонтов аатынан Хадаар орто оскуолата, Чурапчы