Мин быйыл сайын кочевник 2-с ыстаадаҕа үһүс төгүлүн сайылаатым. Сайыҥҥы сынньалаҥмын үлэни кытта дьүөрэлээн туһалаахтык атаардым. Ыстаада айылҕата наһаа кэрэ, ураты хатыламмат кэрэ көстүү хартыына курдук. Мин ыстаадаҕа сылдьарбын олус сөбүлүүбүн, сайыҥҥы сынньалаҥмар тахсабын.
Ыстаада үлэтэ ыарахан, ыстаадаҕа баар дьон бары үлэлииллэр. Саамай ыарахан үлэ диэн табалыыр. Табаһыттар күн аайы сынньаммакка табаны аһата уонна уулата бараллар уонна биири да куоттарбакка көрө сылдьаллар. Табаһыттар күнүскү уонна түүҥҥү симиэнэҕэ арахсаллар. Сарсыарда түүннүһүттэр табалаан кэллэхтэринэ, күнүскүлэр эрдэ тураннар уучахтарын маахталаан тутталлар, оҕолор таба хаайаллар. Чум үлэһиттэрэ эрдэ туран ас буһараллар, онтон табалаабат оҕолор дьиэ үлэтигэр үлэлии хаалаллар, мас мастыыллар, мас кыстыыллар, уу таһаллар. Сайын ыстаадалар маахталаан тугуттарын имнэнэллэр, чип иилэллэр, оҕолор күүстээхтик таба хаайаллар.
Сайын аайы ыстаадаҕа эдэр ыччат уонна оҕолор тахсаллара наһаа үчүгэй. Табаһыттарга көмө буолаллар.
Тапталыына Рожина, 11 кылаас, Кустуур орто оскуолата, Эбээн Бытантай