Суол хаһаайыстыбата Саха Өрөспүүбүлүкэтин социальнай-экономическай сайдыытыгар, ордук хотугу уонна ыраах улуустарга, улахан оруоллаах. Мэҥэ Хаҥалас улууһугар суол инфраструктуратын сайыннарыы нэһилиэнньэлээх пууннарга транспорт тиийимтиэ буолуутун хааччыйыыга, экономиканы сайыннарыыга уонна нэһилиэнньэ олоҕун хаачыстыбатын тупсарыыга улахан суолталаах.
Массыына суолун тутуу уонна хааччыйыы эйгэтигэр үлэни анал тэрилтэлэр ыыталлар. Оннук хампаанньалартан биирдэстэринэн массыына суолун тутуу уонна тутуу эйгэтигэр үлэлиир ООО «Мегино-Кангаласские автомобильные дороги» буолар. Биһиэхэ хампаанньа сүрүн инженерэ Александр Романов үлэтин уратытын туһунан кэпсээтэ. Саха сирин айылҕатын усулуобуйата: уһун кыһын, намыһах температура, ирбэт тоҥ уонна сааскы халлаан уута — барыта суол туругар улахан суолталаах. Онон массыына трассаларын тутуу уонна көрүү анал технологиялары туһаныыны эрэйэр. Суол сулууспатын үлэһиттэрэ полотнону өрөмүөннээһини, суолу хаартан ыраастааһыны уонна алдьатыыга түбэһэр учаастактары бөҕөргөтүүнү тиһигин быспакка ыыталлар.
Биһиги улууспутугар Саха сирин атын куораттарын уонна оройуоннарын кытта транспортнай сибээс ураты суолталаах. Ол курдук, Аллараа Бэстээх бөһүөлэгэ массыына уонна тимир суол маршруттара ааһар суолталаах транспортнай узел буолар. Сайдыылаах суол ситимэ тыа хаһаайыстыбатын бородууксуйатын, тутуу матырыйаалларын уонна бастакы наадалаах табаардары таһыыга көмөлөһөр.
Кэлиҥҥи сылларга Мэҥэ Хаҥалас улууһугар массыына суолун өрөмүөннүүр саҥардыы бырагыраамалара олоххо киирэллэр. Суолу оҥоруу хаачыстыбата тупсар, саҥа муосталар туттуллаллар, онон, айан куттала суох буолуута үрдүүр.
Ирбэт тоҥ усулуобуйатыгар тутуу аныгы технологияларын киллэриигэ, салааны үбүлээһиҥҥэ, инфраструктураны саҥардыыга Мэҥэ Хаҥалас улууһун суол хаһаайыстыбата салгыы сайдар. Суол ситимин сайыннарыы улуус экономикатын бөҕөргөтөр уонна нэһилиэнньэ олоҕун таһымын үрдэтэр кыаҕы биэриэҕэ.
ООО «Мегино-Кангаласские автомобильные дороги» тэрилтэ туһунан сиһилии видео-матырыйаалга көрүҥ:
Суруйда Андриана Зыкова, X кылаас,
Кэрэспэдьиэн Тася Трофимова, X кылаас,
Видео устуу уонна таҥыы Алеся Тимофеева, X кылаас,
И.Г. Тимофеева аатынан Майа лиссиэйэ, Мэҥэ Хаҥалас.
Кэскил14.ру