Биһиэхэ, Үөһээ Бүлүү улууһун Харбалаах нэһилиэгэр, VI төгүлүн ыытыллыбыт «Басхан» өрөспүүбүлүкэтээҕи дьыалабыай оонньуу быйыл судаарыстыбаннай уонна бэлитиичэскэй диэйэтэл Степан Васильевич Васильев 130 сылыгар ананна.
Икки күн устата Саха сирин аҕыс улууһуттан бастыҥтан бастыҥ лиидэр уолаттара «Удьуор утум», «Өркөн өй», «Дойду салайааччыта», «Мөккүөр» (дебат) уонна «Айыы умсулҕана» курдук уустук, ол эрэн олус дириҥ ис хоһоонноох, интэриэһинэй түһүмэхтэри аастылар.
Бу күрэскэ кыттыбыт хас биирдии уол — бэйэтин улууһун киэн туттар ыччата, кэлэр кэскиллээх салайааччыта. Дьүүллүүр сүбэ бары кыттааччылар киэҥ билиилэрин, тобуллаҕас толкуйдарын уонна салайар дьоҕурдарын, айар талааннарын үрдүктүк сыаналаатылар.
Илин-кэлин түсүһэн, кыайыылаах үрдүк аатын сүкпүт Басханнарбыт:
Кылаан кыайыылаах ааты ылла – Айхал Никонов — Өрөспүүбүлүкэтээҕи лиссиэй-интэринээт 10 кылааһын үөрэнээччитэ (Дьокуускай куорат).
I ҮРДЭЛ – Тимур Семенов — Харбалаах орто оскуолатын 11 кылааһын үөрэнээччитэ (Үөһээ Бүлүү улууһа).
II ҮРДЭЛ — Богдан Луковцев — Василий Васильевич Филиппов аатынан Бэрдьигэстээх улуустааҕы гимназиятын 10 кылааһын үөрэнээччитэ (Горнай улууһа).
III ҮРДЭЛ – Андрей Михайлов — С.К. Макаров аатынан Чурапчы гимназиятын 10 кылааһын үөрэнээччитэ (Чурапчы улууһа).
АНАЛ ААТТАР:
1. «Удьуор утума салҕыыр БАСХАН» — Эрчим Лобанов -Моорук орто оскуолатын уопсай үөрэхтээһин оскуолатын 10 кылааһын үөрэнээччитэ (Мэҥэ Хаҥалас улууһа).
2. «Сайдам санаа БАСХАНА» — Уйгун Саввинов — Н.П. Егоров аатынан Мастаах уопсай үөрэхтээһин оскуолатын 10 кылааһын үөрэнээччитэ (Кэбээйи улууһа).
3. Өркөн өй БАСХАНА»- Арылхан Пономарев, В.С.Яковлев -Далан аатынан Кытаанах орто оскуолатын 10 кылааһын үөрэнээччитэ (Чурапчы улууһа).
4. «Хомоҕой тыл БАСХАНА» — Михаил Сергучев – 3№-дээх орто уопсай үөрэхтээһин оскуолатын 9 кылааһын үөрэнээччитигэр (Сунтаар улууһа).
5. «Ылыннарыылаах тыл БАСХАНА» — Андриян Николаев — Мэйик сурун оскуолатын 8 кылааһын үөрэнээччитэ (Үөһээ Бүлүү улууһа).
6. «Элбэҕи эрэннэрэр БАСХАН» — Климентий Слепцов -Степан Васильев аатынан гимназия 10 кылааһын үөрэнээччитэ (Ньурба улууһа).
7. «Кэрэхсэбиллээх БАСХАН»- Арчын Матвеев — Өрөспүүбүлүкэтээҕи лиссиэй 10 кылааһын үөрэнээччитэ (Дьокуускай куорат).
8. «Тобуллаҕас толкуй БАСХАНА” — Советскай Союз Героя Николай Саввич Степанов аатынан Бүлүүтээҕи 3№ -дээх орто оскуола 10 кылааһын үөрэнээччитэ Кэскил Семенов (Бүлүү улууһа).
9. «Кыайыыга дьулуурдаах БАСХАН» — Мирослав Дорофеев — Степан Васильев аатынан гимназия 10 кылааһын үөрэнээччитэ (Ньурба улууһа).
10. «Киэҥ көрүүлээх БАСХАН” — Айаан Горохов — Сунтаардааҕы политехническай лиссиэй-интэринээт 11 кылааһын үөрэнээччитэ.
11. «Кэскиллээх кыттааччы» — Юлиан Руфов -Дүллүкү орто оскуолатын 8 кылааһын үөрэнээччитэ (Үөһээ Бүлүү улууһа).
Инникитин Басхан уолаттар ырааҕы ырыҥалыыр, киэҥ билиилээх, дириҥ толкуйдаах дьоһун дьон буолан тахсыахтара диэн эрэнэбит!
Сиһилии видео-матырыйаалга көрүҥ:
Туллуктаана Колтовская, 7 кылаас. «Куорсуннаах сурук» медиа киин кэрэспэдьиэнэ, Харбалаах, Үөһээ Бүлүү