Тохсунньу 29-30 күнүгэр оскуолабыт 10-с кылааһын үөрэнээччитэ Айтал Григорьев Дьокуускайга «Триумф» спортивнай бэлэмнэнии киинигэр ыытыллыбыт чэпчэки атлетика күрэхтэһиитигэр ситиһиилээхтик кыттыыны ылла.
Бастакы күн Айтал 1500 миэтрэҕэ 2-с миэстэ буолла. Иккис күн 3000 миэтрэҕэ сүүрэн бастыҥ буолла. Бу күрэхтэһиигэ кыайыам диэн эрэллээх эбит. 2009-2010 сыллаах төрүөх оҕолор, уопсайа 340 сүүрүк кыттыыны ылбыт.
Айтал Григорьев сүүрүнэн алтыс сылын дьарыктанар. Бэйэтин кыаҕын, дьоҕурун сүүрүү нөҥүө арыйар.
– Сүүрүүнэн дьарыктанарбар бэйэм ис турукпар уонна дьарыкпар уустуктары көрсүбүтүм. Тренербин Реворий Михайлович Елисеевы кытта элбэхтик дьарыктанан, дьоҕурбун арыйдым дии саныыбын. Сүүрүнэн дьарыктанар оҕо күүстээх, кытаанах санаалаах, дьулуурдаах, бэйэтигэр ирдэбиллээх буолуохтаах, – диэн санаатын үллэстэр Айтал Григорьев.
Виталий ОРЛОВ, IX кылаас,
С.Д. Флегонтов аатынан Хадаар орто оскуолата, Чурапчы