Алтынньы 18 күнүгэр Н.Е Мординов-Амма Аччыгыйа аатынан Харбалаахтааҕы үөрэхтээһин холбоһугар идэҕэ туһаайар үлэ хайысхатынан «Аһаҕас аан күнэ» ыытылынна. Биһиги холбоһукпут лицейскэй бөлөхтөрүгэр үөрэнэн, баһаарынньык, аһаҕас сиргэ промышленнай тиэхиникэҕэ үлэлиир машинист, тимир ууһа, ювелир идэлэри баһылыахха сөп.
Бу күн идэҕэ уһуйар үөрэх тосхоллорун билиһиннэрдилэр, араас маастар кылаастары холбоһук преподавателлэрэ ыыттылар, үөрэнэр кабинеттарынан, мастарыскыайдарынан интэриэһинэй экскурсиялар буоллулар.
Быйыл 9, 11 кылааһы бүтэрэр үөрэнээччилэри биһиги холбоһукпутугар үөрэнэ кэлэргитигэр ыҥырабыт!
Снежана Халыева, Харбалаахтааҕы үөрэхтээһин холбоһуга.
keskil14.ru