Алтынньы 19 күнүгэр Арассыыйаҕа Аҕа, Саха өрөспүүбүбүкэтигэр Ийэ күнэ бэлиэтээтибит. Бу бэлиэ күҥҥэ оскуолабыт үөрэнээччилэрэ, учууталлара, төрөппүттэрэ буолан Улахан Алааска муҥхалаатыбыт.
Муҥха саха норуотун төрүт үгэстэриттэн биирдэстэрэ буолар. Былыр-былыргыттан биһиги өбүгэлэрбит уу иччититтэн Күөх Боллох Тойонтон көрдөһөн, алҕаан көмүс хатырыктааҕыттан бэриһиннэрэллэрэ.
Ол үтүө үгэс умнуллубакка, көлүөнэттэн көлүөнэҕэ бэриллэн, биһиги кэммитигэр диэри тиийэн кэлэн, биһигини барыбытын түмэр, элбэххэ үөрэтэр. Муҥха уһун да уһун икки кынаттаах уонна «ийэлээх».
Муҥханы Танда төрүт олохтооҕо Василий Васильевич Аммосов иилээн-саҕалаан ыытта. Кини сөптөөх салайыытынан, муҥхабыт олус үчүгэйдик ааста. Оҕолорго муҥха сиэрин-туомун, муҥхаҕа туттуллар тэриллэр туһунан оскуолабыт төрөппүтэ Анатолий Васильевич Готовцев кэпсээтэ. Эбэтитин аһатан, уолаттарбыт аҕаларын, убайдарын кытта тэҥҥэ ойбон аллардылар, муҥханы бэрийэн үтүмэх ыыттылар. Кыргыттар ойбон ыраастаатыбыт.
Күүстээх, түмсүүлээх үлэбит түмүгэр Күөх Боллох мүчүк гынан, элбэх да элбэх собонон күндүлээтэ. Бу күн элбэх саҥаны билэн, илии тутуурдаах, өттүк харалаах дьиэлээтибит.
Вера ГОТОВЦЕВА, VI кылаас,
М.Н. Готовцев аатынан Танда орто оскуолата, Уус Алдан
Ааптар хаартыскалара