Төрүт күрэс көрүҥнэригэр XXII «Манчаары оонньууларыгар» сахалыы атах оонньуутугар И.Г. Тимофеев аатынан Майатааҕы лиссиэйи быйыл бүтэрбит Владислав Яковлев үс көрүҥ түмүгүнэн уолаттарга муҥутуур кыайыылаах аатын ылла.
«Дьулуруйар Ньургун Боотур» стадиоҥҥа халлаан тымныытын, ардаҕын аахсыбакка кылыыһыт уолаттар икки күн устата кыырайа көттүлэр. Атах оонньуутугар бастыыр иһин Мэҥэ-Хаҥалас, Таатта, Дьокуускай уолаттара илин-кэлин түһүстүлэр.
Күрэхтэһии түмүктүүр түһүмэҕэр «куобахха» уолаттарга Владислав Яковлев 36 м 81 см ыстанан маҥнайгы миэстэни ылла.
— «Манчаары оонньууларыгар» кыайыыга эрэллээх этим. Уолаттар да хаалсыбаттар этэ. Күрэх иннинэ бэйэбин үчүгэйдик сааһылыыбын. Халлаан туруга мэһэйдээтэ, имитиммэккэ* кыратык тоҥон хаалаҕын, ол уопсай түмүккэ дьайар эбит дии санаатым. Чуолаан атах оонньуутунан алын кылаастан дьарыктанабын. Тренердэрим Игорь Никифорович Скрябин уонна Борис Николаевич Ильин буолаллар. Быйыл оскуолабын бүтэрдим, физкультурнайга туттарсаары сылдьабын. Салгыы успуорт өттүнэн сайдыахпын баҕарабын, — диэн кэпсиир чөмпүйүөн кылыыһыт уол Владислав.
Онтон «Аны түөрт сылынан «Манчаары оонньууларыгар» кыттаҕын дуо?», — диэн ыйытыыга Владислав: «Аныгыскы «Манчаары оонньууларыгар» көрсүөхпүт«, — диэн үөрэ-көтө хоруйдаата.
Аны биир бэлиэ түгэнинэн буолла — Таатта улууһун рекордсмена Андрей Васильев ийэтинээн анал бириис туруордулар, ол курдук, уолаттарга үс көрүҥ түмүгүнэн муҥуутуур кыайыылаахха 50 тыһыынча солк. уу харчынан бириэмийэ туттардылар.
Онтон кылыыга, ыстаҥаҕа маҥнайгы миэстэни В.П. Ларионов аатынан Майа орто оскуолатын 9 кылааһын үөрэнээччитэ Максим Семенов ылла уонна XXII-с «Манчаары оонньууларын» икки төгүллээх чөмпүйүөнүн буолла.
— Дьиҥэ, бэйэбэр эрэллээх сылдьыбытым, үс көрүҥ түмүгүнэн кыайыам диэн. Атахпын кыратык өлөрбүтүм мэһэйдээтэ. Кылыыга, буурга көрдөрүүлэрим соччото суох этилэр, куобахха да көрдөрүүбүн сөбүлээбэтим. Аныгыскыга кыайыам дии саныыбын, наһаа ыксаабаппын, өссө эдэрбин, сааһым 15-им эрэ, — диэн бэйэтин санаатын Максим этэр.
Күүстээх күрэх ааспытын туһунан судьуйа Станислав Гольдеров эмиэ этэн аһарда:
— Олус ыарахан күрэх ааста. Спортсменнарбыт күүстээх ардах аннынан, тыалы тыал диэбэккэ, ойдулар. Дьокуускай куораттан кыргыттарга успуорт маастара Маргарита Тумакова бэйэтин чыпчаалын толордо: үс көрүҥ сууммата — 65 м 02 см.
Аны биир бэлиэ түгэнинэн Таатта улууһун рекордсмена Андрей Васильев ийэтинээн анал бириис туруоран, уолаттарга үс көрүҥ түмүгүнэн муҥуутуур кыайыылаахха 50 тыһыынча уу харчынан бириэмийэ туттардылар.
Төрүт күрэс көрүҥнэригэр ХХll төгүлүн ыыттылла турар «Манчаары оонньууларын» сахалыы атах оонньуутун түмүгүнэн уолаттарга:
Үс көрүҥ түмүгүнэн:
1 миэстэ — Владислав Яковлев, Мэҥэ-Хаҥалас.
2 миэстэ — Максим Семёнов, Мэҥэ-Хаҥалас.
3 миэстэ — Таттислан Антипин, Таатта.
Куобахха:
1 миэстэ — Владислав Яковлев, Мэҥэ-Хаҥалас.
2 миэстэ — Валентин Власов, Өлүөхүмэ.
3 миэстэ — Таттислан Антипин, Таатта.
Ыстаҥаҕа:
1 миэстэ — Максим Семёнов, Мэҥэ-Хаҥалас.
2 миэстэ — Владислав Яковлев, Мэҥэ-Хаҥалас.
3 миэстэ — Альберт Винокуров, Дьокуускай.
Кылыыга:
1 миэстэ — Максим Семёнов, Мэҥэ-Хаҥалас.
2 миэстэ — Владислав Яковлев, Мэҥэ-Хаҥалас.
3 миэстэ — Михаил Шарин, Мэҥэ-Хаҥалас.
Төрүт күрэс көрүҥнэригэр ХХll төгүлүн ыыттылла турар «Манчаары оонньууларын» сахалыы атах оонньуутун түмүгүнэн кыргыттарга:
Үс көрүҥ түмүгүнэн:
1 миэстэ — Маргарита Тумакова, Дьокуускай.
2 миэстэ — Анастасия Матвеева, Нам.
3 миэстэ — Эльвира Устинова, Мэҥэ-Хаҥалас.
Куобахха:
1 миэстэ — Василиса Ракова, Ньурба.
2 миэстэ — Маргарита Тумакова, Дьокуускай.
3 миэстэ — Анастасия Матвеева, Нам.
Ыстаҥаҕа:
1 миэстэ — Маргарита Тумакова, Дьокуускай.
2 миэстэ — Ксения Куть, Дьокуускай.
3 миэстэ — Анастасия Матвеева, Нам.
Кылыыга:
1 миэстэ — Маргарита Тумакова, Дьокуускай.
2 миэстэ — Ксения Куть, Дьокуускай.
3 миэстэ — Анастасия Матвеева, Нам.
Күрэс тылдьытыттан:
*Имитинии — разминка.
Онтон атах оонньуутун ааттаах-суоллаах, тумус туттар спортсменнарбыт Кай Адамов уонна Андрей Васильев эдэр кылыыһыттарга тугу сүбэлииллэр эбитий? Ол туһунан видеоҕа көрүҥ:
Матырыйаалы бэлэмнээтилэр Яна Гузаирова, Снежана Яковлева.
Видеоҕа уһулуу, таҥыы Авдей Неустроев.
«Кэскил» оҕо пресс-киинин эдкордара.
keskil14.ru