Дьокуускай 8 кылааһын үөрэнээччитэ Маргарита Тумакова чэпчэки атлетикаҕа ааттаах-суоллаах кэскиллээх спортсмен. Кини сахалыы ыстаҥаҕа 13 сааһыттан дьарыктанар, ыстаныыга икки төгүллээх чөмпүйүөн, VIII «Азия оҕолоро» спортивнай оонньууларын призера. Санаан көрүҥ, Маргарита сыл эрэ аҥара дьарыктанан баран, сахалыы ыстаҥаҕа оҕолорго тус чыпчаал олохтуур.
Маргарита Тумакова «үс төгүл үс» сахалыы ыстаҥаҕа тус чыпчаала — 11, 37 см. Маргаританы дьарыктыыр тренердэрэ Максим Николаевич Оегостуров уонна Валерия Эдуардовна Олесова. Онтон бүгүн тренерэ Валерия Олесова XXII «Манчаары оонньууларыгар» ыстаҥаҕа саҥа рекорд олохтоото — 25 м 30 см!
«Төһөнөн ыйааһыныҥ кыра, оччонон чэпчэкитик ыстанаҕын. Аһары чэпчэки буоллаххына, эмиэ үчүгэйдик көтө-көтө ыстаммаккын. Онон ыйааһыҥҥын көрүнүөхтээххин», — диэн этэр кылыыһыт кыыс Маргарита Тумакова.
Күрэс төрүт көрүҥнэригэр XXII «Манчаары оонньуулара» сахалыы атах оонньууларыгар 111 кылыыһыт биэс сааһынан бөлөххө кыттыыны ылар. Хас биирдии көрүҥҥэ барыллааһын түмүгүнэн 16 миэстэ иһигэр киирбит спортсмен күрэстэһэ сылдьар.
Яна ГУЗАИРОВА.
Оператор, монтаж Авдей НЕУСТРОЕВ.
«Кэскил» оҕо пресс-киинин эдкордара.
keskil14.ru