Саха сирин дьоно сүгүрүйэр ытык бырааһынньыга – Олоҥхо Ыһыаҕа, Нерюнгри куоратыгар үрдүк таһымҥа ааста. Бу күннэргэ Сахабыт сирин бары улуустарыттан, Россия регионнарыттан, ону тэҥэ аан дойду араас муннугуттан ыалдьыттар кэлэн, олоҥхо дойдутугар умсугуйдулар.
Ыһыах түһүлгэтэ олоҥхо тыыннаах музыкатынан, тойугунан, ырыатынан туолбута. Олоҥхоһуттар, тойуксуттар, оһуохайдьыттар бары кэлбит дьону сөхтөрдүлэр, дуоһуйа сынньаттылар. Олоҥхону үйэтитэр, киэҥ эйгэҕэ таһаарар сыаллаах элбэх тэрээһин ыытылынна.
Нерюнгри куората Олоҥхо Ыһыаҕын ыытарга бэлэмнээх буолан таҕыста. Инфраструктура өттүнэн барыта үчүгэйдик тэриллибит, ыалдьыттары көрсөргө, сынньатарга бары усулуобуйа бааллар. Олоҥхо Ыһыаҕа-2025 сабыллар күнүгэр Нерюнгри баһылыга Роман Михайлович эҕэрдэ тылы этэн туран, бу тэрээһин олоҥхону үйэтитэр, киэҥ эйгэҕэ таһаарар үтүө суолталааҕын бэлиэтээтэ.
Олоҥхо Ыһыаҕа-2025 Нерюнгри куоратыгар умнуллубат түгэннэри бэлэхтээтэ. Бу тэрээһин саха норуотун култууратын, историятын харыстыырга, үйэтитэргэ улахан кылааты киллэрдэ диэн түмүктүүбүт. Кэлэр сылларга Олоҥхо Ыһыаҕа өссө да кэҥээн, сайдан иһиэҕэ диэн эрэнэбин.
Гаврил ПРОКОПЬЕВ, IX кылаас, Абаҕа, Амма