Саха чинчийэр оскуолатыгар араас хайысхаларынан, бырайыактарынан үлэлэр ыыттылла тураллар. От ыйын 4 күнүгэр буолар бырайыак көмүскээһинигэр оҕолор күүстээхтик бэлэмнэнэ сылдьаллар. Кыттааччылар алта хайысхаттан бэйэлэрэ баҕаран талбыт бырайыактарыгар кытталлар.
«Химия в нашей еде» хайысха салайааччыта Татьяна Стручкова этэринэн уопсайа 10 оҕо кыттар, 5-7 кылаастартан. «Бырайыак сыала-соруга, аһыыр аска төһө углевод баарын уонна кини свойстволарын сиһилии үөрэтии буолар. Оҕолор номнуо саахар, сахароза, глюкоза уонна крахмал структуураларын чинчийэн биллилэр. Химия предметын үөрэтэ да илик оҕолор бырайыагы сөбүлээннэр, интириэһиргээн сылдьаллар, бэлэмнэнэллэр», – диэн кэпсиир Татьяна Стручкова.
Маннык тэрээһин оҕо бэйэтин сайдыытыгар көмөлөһөр. Кыттаачылар наука хайысхатыгар элбэх билиини ылаллар, уопутураллар. Наукаҕа маҥнайгы хаардыыларын оҥороллор. «Мин биология уонна химия предметтэринэн дьарыктанабын. Бу хайысхалары сөбүлүүбүн. Араас опыттары уонна эксперименнэри оҥорорбун ордоробун. Ол иһин бу бырайыагы талбытым», – диир бырайыак кыттыылааҕа Алина Товариштай.
Уопсайа Саха чинчийэр оскуолатыгар алта бырайыак үлэлиир: «Насекомые наши друзья», «Прогнозы погоды миф или правда», «Пластик как экологическая проблема», «Дикорастущие растения моего края», «Путеводная нить» уонна «Химия в нашей еде».
Эмма Егорова, юнкор МИИ-2022
МИИ-2022 хаартыскаларын манна көрүҥ.