Владимир Петрович Ларионов аатынан Майа орто оскуолатыгар «Билии баала» ыытылынна.
Оскуолаҕа «туйгун» уонна «үчүгэй» сыанаҕа үөрэнии ситиһии үктэлэ буолар. Өрүү туйгуннук үөрэнии тулуурдаах уонна дьулуурдаах буолууну, күннэтэ билиигэ-көрүүгэ дьүккүөрдээхтик дьулуһууну туоһулуур.
Наука кирилиэһин бары үктэлин эрэллээхтик дабайбыт, сахалартан бастакы академикпыт, техническэй наука доктора Владимир Петрович Ларионов оскуолаҕа өрүү «туйгун» сыанаҕа үөрэммит. Академик аатын сүгэр оскуола үөрэнээччилэрэ, чулуу киһибит холобурунан, өрүү туйгуннук үөрэнэргэ дьулуһабыт.
Оскуолабытыгар үөрэҕи, билиини өрө тутар үөрэнээччилэр өрүү холобурга сылдьаллар. Сыллата кинилэри чиэстиир анал тэрээһиннэр ыытыллаллар.
Туйгун үөрэнээччилэр хаартыскалара «Володя Ларионов галереятыгар» киирэн, оскуола саамай биллэр-көстөр сиригэр — В. П. Ларионов музейын таһыгар ыйанан турар.
Быйыл «туйгун» уонна «үчүгэй» сыаналаах үөрэнээччилэри чиэстиир Билии баала ыытылынна. Тэрээһин
Россияҕа — култуурунай тэһилиэстибэ, Саха АССР төрүттэмитэ — 100, Мэҥэ Хаҥаласка дьиэ кэргэн бигэ туруктаах буолуутун сылларыгар ананна. Бэлиэ күҥҥэ 110 «туйгун» (отличник), 307 «үчүгэй» (хорошист) үөрэнээччи чиэстэннэ.
Оскуола киэн туттар үөрэнээччилэрэ хабыллар ытыс тыаһынан доҕуһуоллатан, кыһыл көбүөр устун хааман киирэн эҕэрдэ сурук туттулар. Туйгун үөрэнээччилэр оскуола эмбилиэмэтэ бэлиэлээх, агро-хайысхалаах үөрэҕи туоһулуур от күөҕэ өҥүнэн төгүрүтүллүбүт өйдөбүнньүк значогунан наҕараадаланнылар.
Үөрүүлээх тэрээһиҥҥэ төрөппүттэр, учууталлар, үөрэнээччилэр «Вальс», «Полонез» ураты үҥкүүлэригэр имигэстик тэлээриһэ эргийдилэр. Үөрүүлээх түгэни «Кыталык» үҥкүү норуодунай ансаамбылыгар дьарыктанар, М. К. Попова аатынан Майатааҕы оҕо ускуустубатын оскуолатыгар байааҥҥа уһуйуллар оскуолабыт үөрэнээччилэрэ киэргэттилэр.
Бу күн чинчийэр үлэлэринэн, бизнес-бырайктааһынан ситиһиилээхтик дьарыктанар, Арассыыйа таһымнаах билим кэмпириэнсийэлэригэр ситиһиилээхтик кыттар үөрэнээччилэр «Юные Якутяне» ресурснай киин «СӨ оскуола иһинэн үлэлииир бизнес-инкубатор бастыҥ бизнес-бырайыга» күрэҕин грамоталарынан наҕараадаланнылар. Жиркову Дархан «Реализация натурального меда и продуктов с медом», салайааччы: Жиркова В. В.
Бу курдук, үчүгэй уонна туйгун үөрэҕи уруйдуур «Билии баала» үҥкүү кэрэ эйгэтиниин кэккэлэһэн тэрээһиннээхтик ыытылынна
Изабелла Романова, Саина Лонгинова «Мэҥэбил» пресс-киин