Тохсунньу 22 күнэ. Аан дойдуну аймаабыт, кыа хаанынан Ийэ сири ытаппыт, Аҕа дойду Улуу сэриитин биһиги эһэлэрбит, аҕаларбыт, убайдарбыт кыайан, Улуу Кыайыыны ситиспиттэрэ быйыл өрөгөйдөөх 80 сыла.
1945 сыллаахха Берлин куоракка Рейхстах үрдүгэр Сэбиэскэй саллааттар өстөөҕү кыайбыт бэлиэлэринэн знамя былааҕын харах уулаах «Ураа!» хаһыынан күөрэччи туппуттара. Ол туһунан киинэ хроникатын бу сигэлэринэн киирэн көрүөххүтүн, ааҕыаххытын сөп:
https://vk.com/video-199463452_456242636
https://keskil14.ru/strong-lyudi-legendy-strong-em-em/
Өрөспүүбүлүкэ үрдүнэн Улуу Кыайыы 80 сылыгар аналлаах «Кыайыы Знамята» эстафета ыытылла турар. Кыайыы Знамята Уус Алдан улууһуттан Чурапчы улууһугар бэриллэн, тохсунньу 22-23 күннэригэр улуус нэһилиэктэрин барытын хабан, үөрүүлээх дьаһыллар ыытылла тураллар.

Ол курдук тохсунньу 22 күнүгэр Кыайыы Знамята Хадаар нэһилиэгиттэн Хайахсыкка кэлэр үөрүүлэх түгэнэ буолан ааста. Знамяны Афанасий Петрович Илларионов аатынан Хайахсыт оскуолатын ОБЗР учуутала Михаил Михайлович Поисеев салайааччылаах «Үрүн Уолаҥ» байыаннай-патриотическай оскуола иитиллээччилэрэ Николой Бандеров (XI кылаас), Вадим Колесов (XI кылаас) уонна Николай Филиппов (IX кылаас) туттулар.
Хайахсыт нэһилиэгин баһылыгын солбуйааччыта Василий Ильич Борисов, Чурапчы улууһун депутаттарын сэбиэтин бэрэссэдээтэлэ Яков Павлович Оконешников, Хайахсыт нэһилиэгин бочуоттаах олохтооҕо, бэтэрээн учуутал Николай Афанасьевич Оконешников эҕэрдэ тылларын эттилэр.

Ити курдук Чурапчы улууһун Хайахсыт нэһилиэгэ Кыайыы 80 сылыгар анаммыт «Кыайыы Знамята» эстафетатыгар өрө көтөҕүллэн туран кыттыыны ыллылар.

Саастаах өттө уот сэрии толоонугар сылдьыбыт аҕаларын, чугас аймахтарын, эдэрдэр эһэлэрин, хос эһэлэрин, хаан-уруу сыдьааннарын хаартыскаларын киэн тутта тутан олордулар. 80 сыл аннараа өттүгэр Кыайыыны уһансыбыт хорсун дьоммут сырдык мөссүөннэрэ бу манна бүгүн биһиги аттыбытыгар көрөн олороллор диэн санааттан мин ордук долгуйдум.
Хайахсыккка Кыайыы Знамятын туһунан видеону манна көрүҥ: https://vk.com/clip-199463452_456242666?c=1
Вадим КОЛЕСОВ, XI кылаас,
А.П. Илларионов аатынан Хайахсыт орто оскуолата, Чурапчы
Света Заровняева хаартыскалара, видеоҕа устуута, XI кылаас
Монтаж Вадим Колесов