Бэс ыйын 15-21 күннэригэр «Энергетик» лааҕырга «Орлята России» — «Өксөкү сиэннэрэ» сменатыгар сынньаммыт оҕолор суруйаллар.
Мин хос-хос эһэм Семенов Иннокентий Петрович 1906 сыллаахха Солоҕоҥҥо төрөөбүтэ. Кинини Аҕа дойду Улуу сэриитэ саҕаламмытыгар фроҥҥа 1941 сыллаахха, 35 саастааҕар, ыҥырбыттар. Кэргэнэ Мотрена Евстратьевна биэс оҕотун кытта бэйэтэ хаалбыт. Хос-хос эһэм 1942 сыллаахха Калининград куоракка тиийэн, онно сэрии уотугар киирэн, олоҕун толук уурбута. Биэс оҕотуттан икки эрэ оҕото тыыннаах хаалбыт. Кинилэр дьон буолан, хос-хос эһэм аата умнуллубат, кини олоҕо ыччаттарыгар салҕанар.
Милана ЯКОВЛЕВА, С.П. Данилов аатынан Бэрдьигэстээх орто оскуолата, Горнай
***
Мин ийэм аата Анисия Эдуардовна, аҕам – Айсен Робертович. Балтыларым Айылаана бастакы кылааһы бүтэрдэ, Сайыына оҕо уһуйааныгар сылдьар. Онтон быраатым Айсан 2 саастаах. Биһиги дьиэ кэргэн бииргэ сүбэлэһэбит, бэйэ-бэйэбитин таптыыбыт.
Эбэм аата Наталия Николаевна Васильева Хаҥалас улууһугар Нөмүгүгэ баар. Ийэм өттүнэн эбэм Альбина Николаевна уонна эһэм Эдуард Гаврильевич Ньурба улууһугар олороллор.
Хос эһэм Кононов Гаврил 1901 сыллаахха Саха АССР Ленинскэй оройуонугар (Ньурба) Марха сэлиэнньэтигэр төрөөбүтэ. Сэрии иннинэ холкуоска үлэлээбит. Сэрии толоонугар бааһыран, дойдутугар эргиллэн кэлбит. 1986 сыллаахха ыам ыйын 9 күнүгэр, Кыайыы күнүгэр, олохтон туораабыт.
Хос-хос эһэм «Хорсунун иһин», «1941-1945 сс. Аҕа дойду Улуу сэриитигэр килбиэннээх үлэтин иһин« мэтээллэринэн, Аҕа дойду Улуу сэриитин I истиэпэннээх уордьанынан наҕараадаламмыт. Хос-хос эһэбин 1980 сыллаахха Ньурба оройуонун Бочуот кинигэтигэр киллэрбиттэр.
Нарыйа ВАСИЛЬЕВА, И.Д. Винокуров-Чаҕылҕан аатынан Нам алын кылааһын оскуолата
***
Мин хос эһэм аата Кондратьев Степан Никифорович. Кини Аҕа дойду Улуу сэриитин кэмигэр Ленинград, Сталинград куораттары, Европа куораттарын босхолоон, Берлиҥҥэ тиийбитэ. Дойдутугар тыыннаах эргиллэн кэлэн, биһиги аймах баарбыт.
«Энергетик» лааҕырга бэс ыйын 22 күнүгэр буолан ааспыт «Свеча памяти» өйдөбүнньүккэ кыттыыны ыла тураммын хос эһэбин санаан ыллым.
Алгыстаана ИВАНОВА, С.П. Данилов аатынан Бэрдьигэстээх орто оскуолата, Горнай
***
Ийэлээх аҕам Уус Алдантан төрүттээхтэр. Ийэм Евдокия Николаевна социальнай управлениеҕа кылаабынай бухгалтерынан үлэлиир, аҕам Григорий Тимофеев футбол тренерэ. Билигин Горнай улууһугар Бэрдьигэстээх нэһилиэгэр олоробут. Мин дьиэ кэргэммэр үһүс оҕобун. Эбэм Охлопкова Розалия Федоровна Уус Алдаҥҥа Суотту нэһилиэгэр олорор. Кини 10 оҕолоох Герой Ийэ.
Виолетта Тимофеева, С.П. Данилов аатынан Бэрдьигэстээх орто оскуолата, Горнай