Бу нэдиэлэ саҕаланыытыгар Наука эйэ уонна сайдыы иһин аан дойдутааҕы күнэ бэлиэтэннэ. Ньурба улууһун Күндээдэ оскуолатын үөрэнээччилэрэ наукаҕа бастакы хардыыларын оҥороллоругар учууталлар улахан үлэни ыыталлар. Бу туһунан саха тылын учуутала, «Ньургуһун» пост салайааччыта Таисия Ивановна Иванова суруйар.
Күндээдэ оскуолатын учууталлара үөрэнээччилэрин чинчийэр үлэҕэ көҕүлээн, наукаҕа бастакы хардыыларын оҥороллоругар улахан көмөнү оҥороллор. Ол курдук, Елена Ивановна Кондратьева, Полина Васильевна Иванова, Христина Ахметовна Максимова оҕолору араас хайысхаҕа чинчийии эйгэтигэр сирдииллэр.
Айта Никифорова, 7 кылаас (сал. Максимова Х.А.):
— Мин кыра кылаастан туйгуннук үөрэнэбин. Үөрэнэр биридимиэттэрбиттэн тыл уруоктарын ордоробун. Перемена кэмигэр хайаан да ааҕарбын эбэтэр уруһуйдуурбун сөбүлүүбүн. Оскуола уонна олохтоох бибилэтиэкэттэн кинигэ уларсан ааҕабын. Ааҕар буолан, сахалыы, нууччалыы тылым-өһүм, суруйар дьоҕурум улам-улам сайдан иһэр. Миигин ийэм Христина Ахметовна 4-с кылаастан кустовой научнай-практическай кэмпириэнсийэҕэ кытыннарбыта. Онно миэстэлэһэн, наһаа үөрбүтүм.Ол кэннэ араас таһымнаах кэмпириэнсийэлэргэ кыттар буолбутум. Былырыын «Ньурба олоҥхотун ааттарын уратыта» диэн үлэбинэн оройуоҥҥа ыытыллыбыт научнай кэмпириэнсийэҕэ лауреат үрдүк аатын ылан, салгыы Дьокуускайга кыттыыны ылан, улаханнык биһирэнэн, эмиэ лауреат буолан, Москва уобалаһын Реутов куоратыгар кыттыыны ыла барыахтаахпытын, хомойуох иһин, аан дойду үрдүнэн бүрүүкээбит пандемия мэһэйдээн барбатыбыт. Өссө үлэбин аангылыйалыы тылбаастаан, холкутук саҥарары ааһан, ыйытыыларга ботуччу эппиэттиир курдук үөрэммитим, бэлэмнэммитим.
Оскуола иһинэн ыытыллар кэмпириэнсийэҕэ «Ньурба олоҥхотун персонажтарын ааттара» диэн үлэнэн кытынным.
Динара Сысоева, 7 кылаас (сал.Кондратьева Е.И):
— Мин быраатым Амирдыын сайын устата МАН ыытар «Научное лето-2020» онлайн чинчийэр бырайыакка кыттан, үөннэри-көйүүрдэри үөрэттибит, элбэх интэриэһинэй үөннэри көрдүбүт, олору иннэнэн тэһэн хатардыбыппыт. Ити хайысхабыт «Энтомология» дэнэр. Оскуола таһыгар баар пааркабытыгар хатыҥ чараҥ үөнүн-көйүүрүн чинчийдибит. Сайын устата кураторбыт Елена Ивановналыын хаста да айылҕаҕа тахса сырыттыбыт. Зуумунан киирэн преподавателлэри кытта көрүстүбүт. Тугу хомуйбуппутун, тугу үөрэппиппитин практическай чааһын кылгас гына кэпсээбиппит, көрдөрбүппүт. Сайын устата үлэлээбит үлэбитин үчүгэйинэн сыаналаан, дипломунан «Лучшие коллективные работы»- диэн номинацияҕа тиксибиппит. Биһиги наукаҕа бастакы ситиһиилээх хардыыбыт буолар. Онон сайыны туһалаахтык атаардыбыт диэн үөрэбит.
Маны таһынан, Елена Ивановна сарсыҥҥы кэмпириэнсийэҕэ, 10 кылаас үөрэнээччитин Кондратьева Каролинаны краеведение секциятыгар «Топонимика озер Кюндядинского наслега» диэн үлэтинэн кытыннарар.
Малая академия наук РС(Я), «Научное лето-2020 онлайн»
303 юных исследователя вместе с педагогами из 22 районов республики — таков на сегодняшний день список участников проекта. Исследуя в течение лета растительный и животный мир, сезонные изменения в окружающей природе своей местности, к осени ребята создадут Летопись природы родного края. Объектом их изучения будут дикие, лекарственные и культурные растения, водоемы, мир насекомых и птиц своего района.
Юные исследователи будут работать под руководством научных сотрудников Института биологических проблем 7 криолитозоны СО РАН и государственного природного заповедника «Олекминский».
В ходе проекта решается комплекс задач образовательного, научно-методического, развивающего характера, направленных, с одной стороны на развитие у школьников умений и качеств, необходимых человеку 21 века, с другой стороны – на получение объективных научных данных по сезонному развитию природных экосистем своей местности, которые можно будет использовать в дальнейшем в учебном процессе.
Чинчийэр үлэ оҕо тылын-өһүн, кэпсиир, толкуйдуур дьоҕурун сайыннарар, саҥа билиини ылан, инники өттүгэр туһалаах буолар. Инникитин үөрэнээччилэргэ, учууталларга ситиһиилэри баҕарабыт.