Ахсынньы 20-21 күннэригэр Ил Дархан Харыйата буолан ааста. Хаҥалас улууhуттан барыта 30 оҕо кытынна. Ол иhигэр биhиги оскуолабытыттан Виолетта Данилова ыҥырыллан сырытта. Виолетта Х кылаас үөрэнээчитэ, оскуолабыт активиhа, «ШКиБ» оҕо түмсүүтүн салайааччыта.


Кыра эрдэҕиттэн сыанаҕа ыллыырын, үҥкүүлүүрүн сөбүлүүр, иллэҥ кэмигэр волейбол оонньуурун ордорор. Саха төрүт фольклорун сэҥээрэр оhуокайдьыт, тойуксут. Кини сылын аайы элбэх олимпиадаларга, күрэхтэргэ ситиhиилээхтик кыттар. Ил Дархан Харыйатыгар сылдьан, элбэх оҕону кытта доҕордоспут. Ордук маастар-кылаастарга сылдьыбытын, репетиция түгэннэрин күндүтүк саныыр.
Виолеттаҕа кэлэр сылга өссө үрдүк ситиhиилэри, баҕа санаа туолуутун баҕарабыт!
Амелия Адамова, VI кылаас үөрэнээччитэ,
«Ыллык» пресс-киин эдкора,
С.П. Барашков аатынан Хачыкаат орто оскуолата,
Хаҥалас улууһа.
keskil14.ru