Ыһыах саха омугун бастыҥ бырааһынньыга, сайыны көрсүү, саҥа сылы саҕалыыр күндү кэмэ буолар. Олоҥхо Ыһыаҕын түhүлгэтигэр СӨ култууратын уонна духуобунай сайдыытын миниистирин Афанасий Иванович Ноевы көрсөн кэпсэттим.
— Афанасий Иванович, эһиги санааҕытыгар ыһыах Саха омугар туох култуурнай сыаннаһы аҕаларый?
Афанасий Иванович:
Саха норуотугар ыһыах диэн бу биһиги култуурабыт духуобунай баайбыт буолар. Былыр-былыргаттан биhиги ыһыах ыһан саҥа сылы көрсөн, уруйдаан-айхаллаан, алгыс ылар күммүт диэххэ наада. Алгыс ылыыта бу биhиги сиэммитин-туоммутун толору онон алгыстанан биhиги үрдүк айыыларбытын кытта ситимнэһэн өбүгэлэрбитин кытта бииргэ буоламмыт, көлүөнэттэн көлүөнэҕэ сүдү баайбытын култуурабытын духуобунай баайбытын илдьэ сылдьабыт. Биһиги тылбыт-өспүт, өйбүт-санаабыт уонна биһиги философиябыт барыта бу ыһыахха түмүллэр. Онон бу биһиги кэнники Саха сиригэр, Россияҕа бу 1991 сыллаахтан бастакы президент Михаил Ефимович Николаев ыһыах күнүн бу саха сиригэр судаарыстыбыннай таһымҥа таһарыаҕыттан онтон ыла биһиги бу нэһилиэктэринэн, улуустарынан, республика үрдүнэн барытынан ыһыахтары ыhаммыт, бу дьоннорбутун-сэгэрдэрбитин түмэммит республикабыт сайдыытыгар күүһү олохтуубут. Онон сахабыт сирин олохтоохторун барыларын Үрүҥ Тунах Ыһыаҕынан итии истинник эҕэрдэлиибин!
Олоҥхо бу биһиги сүдү баайбыт буолар, тылбыт өспүт, айылҕаҕа сыһыаммыт, киһи киһиэхэ сыһыана бу барыта Олоҥхоҕо баар. Онон бу биһиги сүдү баайбытыгар, сайдыыны түстүүбүт кэрэһэлиибит уонна көлүөнэттэн көлүөнэҕэ ыччаттарбыт маны көрөн истэн үөрэнэн олоҥхолоон оһуохайдаан, чабырҕахтаан этэн-тыынан, үүнэн-сайдан биһиги сүдү баайбытын Олоҥхобут Ыһыаҕын барытын кэлэр көлүөнэлэр, бу Олоҥхо ыһыаҕа онон ситимнэнэн ыытыллар.
Гаврил ПРОКОПЬЕВ, IX кылаас, Абаҕа, Амма