Кыл мээчик оҥостон, оҕолорго чэбдигирии дьарык ыытыахха сөп. Кыра оҕо тарбахчааннарын тѳhѳнѳн эрдэ, күүскэ эрчийэн сайыннарабыт да, соччонон оҕо тулалыыр эйгэни кытта билсиитэ түргэнник салаллар, ол эбэтэр саңарар саңата, тыла – ѳhѳ, ылынар дьоҕура түргэнник сайдар.
Ааптар: Попова Марфа Прокопьевна.
Баатаратааҕы “Кэскил” уһуйаан иитээччитэ.
Сыала: Кыл мээчик оонньууларын нөҥүө оҕо толкуйдуур дьоҕурун, өйүн– санаатын, этин – сиинин сайыннарыы. Соруга: • Оҕо этэ -сиинэ, өйө сайдар уратытын учуоттаан кыл мээчигинэн оонньуулары билиһиннэрии.
• Хас биирдии дьиэ кэргэннэ кыл мээчигинэн оонньуулары сайыннарыы.
• Оҕо бэйэтэ баҕа санаатынан манан оонньуурун ситиһии, араас көрүҥүн билиһиннэрии.
Кыл мээчигинэн оҕону кытта уһуйааҥҥа уонна дьиэҕэ оонньуохха сөп.
Холобур:
- Мээчиги остуолга, муостаҕа ууран үрэ оонньоттоххо, оҕо тыынын, тыҥатын үлэтин сайыннарар. Оҕо артикуляционнай аппарата сайдарыгар олус туһалаах.
- Мелкай моторика сайыннарарга араас оһуор сааһылатан, ытыһы, тарбаҕы массажтыахха сөп.
- Хоһоону үөрэтиигэ тэтиминэн ытыска эргитии.
- Кэрэ эйгэҕэ сыһыаран, оҕуруо, браслет тистэриэххэ сөп. Дьүһүнүнэн дьүөрэлээн
- Ахсааҥҥа эбиигэ, көҕүрэтиигэ, ыраах, чугас диэни үөрэтиигэ олус туһалаах.
Группаҕа маннык оонньуулары тэрийэн ыытыахха сөп:
- «Ким мээчигэ ыраах төкүнүйэрий? — мээчиги трубочканан үрэн төкүнүтүү.
- «Сыалы таба бырах» — эти-хааны эрчийии.
- «Булчут уонна кустар» — хамсаныылаах оонньуу.
- «Ким мээчигэ элбэ5ий?» — мээчиктэри хаба оонньооһун.
- «Остуолга хоккей» — икки буолан хабылык маһынан хоккей быраабылатынан оонньооһун.
- «Дьаама5а таба киллэр» — хабылык маһынан төкүнүтэн анал хайаҕаска киллэрии.
- «Үрүҥ уонна хара мээчиктэринэн тыксаан» — таба тыгыы, ким элбэх мээчиктээх хаалбыт кыайар.
Уонна да атын оонньуулары киллэрэн, уларытан-тэлэритэн оҕолорго оонньотуохха сеп.