Биһиги оскуолабытыгар волейбол спорт көрүҥүн олус сөбүлүүбүт, умсугуйан дьарыктанабыт, улуус, өрөспүүбүлүкэ күрэхтэригэр ситиһиилээхтик кыттабыт.
Соторутааҕыта улуустааҕы талыы күрэҕэр кыргыттарга (2007-2009 с.т.) 2-с миэстэни, онтон уолаттар 1-гы миэстэни ылары ситистибит. Салгыы Дьокуускай куоракка өрөспүүбүлүкэтээҕи «Көтөр мээчик» волейбол күрэҕэр кыттар чиэскэ тигистибит.
Манна 2009-2010 с.т. кыргыттарга 8 хамаандаттан 1 миэстэни эрэллээхтик ыллыбыт. Иккис миэстэ Дьокуускай 33 №-дээх , үһүс Амма оскуолаларын хамаандалара буоллулар. 2007-2008 с.т. уолаттарга 13 хамаанда күрэхтэстилэр. Тыҥааһыннаах оонньуу түмүгэр маҥнайгы миэстэни намнар, иккиһи биһиги, чыамайыкылар, үсүһү Амма хамаандалара ыллылар.
«Бастыҥ оонньооччу» аатын биһиги оскуолабыт үөрэнээччилэрэ Артем Прокопьев ( 9 кылаас) уонна Алена Прокопьева (6 кылаас) сүктүлэр. Тренербит Оксана Петровна үгүс күрэхтэри тэрийэн ыытан, биһигини кыайыыга сирдиирин, өйөбүл, сүбэ-ама, күүс-көмө буоларын иһин, волейболист оҕолор ааттарыттан улахан махталбытын тиэрдэбит.
Настя Романова, VI кылаас, «Проба пера» эдкорпост.
Чыамайыкы, Мэҥэ Хаҥалас.