“Өксөкү сиэннэрэ. Чы-чып-чаап” оҕо саадыгар аналлаах

Саха Өрөспүүбүлүкэтин Үөрэҕин уонна наукатын министиэристибэтинэн, “Росдетцентр” федеральнай государственнай тэрилтэ “Оҕо саас сирдьиттэрэ” (“Навигаторы детства”) регионнааҕы тирэх киининэн мэктиэлэннэ.

Оскуолаҕа киириэн иннинээҕи саастаах оҕолорго Бүтүн Арассыыйатааҕы “Орлята России” федеральнай бырайыак Саха сиринээҕи «Өксөкү сиэннэрэ» бырагыраамата 2025 сылтан саҕалаан олоххо киирэр.

“Өксөкү сиэннэрэ. Чы-чып-чаап” федеральнай ирдэбил киэбигэр сөп түбэһиннэрэн, А.Г. уонна Н.К. Чирээйэптэр ааттарынан Дьокуускай куорат национальнай гимназиятын алын сүһүөх кафедратын учууталлара оҥорон, тылбаастаан таһаарбыт “Өксөкү сиэннэрэ” бырагырааманы кытта ситимнээх эрээри оҕо сааһын уратыта учуоттанар.

Бырагыраама научнай сүбэһитэ педагогика билимин хандьыдаата, РФ АПСН чилиэн-корреспондена, Саха Өрөспүүбүлүкэтин үтүөлээх учуутала, этнопедагог, “Өксөкүлээх үөрэҕэ” бырайыак ааптара Екатерина Петровна Чехордуна буолар.

Бырайыак салайааччылара – Н.Е. Мординов-Амма Аччыгыйа аатынан “Кэскил” оҕо бэчээтин кыһатын дириэктэрэ Ольга Ивановна Семенова; “Росдетцентр” федеральнай государственнай тэрилтэ “Оҕо саас сирдьиттэрэ” (“Навигаторы детства”) регионнааҕы тирэх киинин салайааччыта Нюргуяна Владимировна  Макарова.

“Орлята-Дошколята” – “Өксөкү сиэннэрэ. Чы-чып-чаап” оҕо саадыгар 5 хайысханан (трек) олоххо киирэр.  Дьарык тиэмэлэрэ сахалыы тылбаастанан, оҕо төрөөбүт тылынан ылынарыгар сөптөөх гына оҥоһуллан “Чуораанчык” сурунаал 2025 сыл бастакы аҥаарыгар тахсар нүөмэрдэргэ бэчээттэнэр.

Дьарык хайысхалара

I дьарык. “ Үчүгэй да оҕолор “Өксөкү сиэннэрэ!”

II дьарык. “Өксөкү сиэнэ. Чы-чып-чаап. Историяны харыстыыр” (Орленок – Хранитель исторической памяти).

III дьарык. “Өксөкү сиэнэ. Чы-чып-чаап. Эрчим” (Орленок – Спортсмен).

IV дьарык. “Өксөкү сиэнэ. Чы-чып-чаап. Айылҕаны харыстыыр” (Орленок – Эколог).

V дьарык. “Өксөкү сиэнэ. Чы-чып-чаап. Басхан” (Орленок – Лидер).

VI дьарык. “Өксөкү сиэнэ. Чы-чып-чаап. Уран Уус” (Орленок – Мастер).

Оҕо саадтарыгар “Орлята-Дошколята” – “Өксөкү сиэннэрэ. Чы-чып-чаап” бырагыраама олоххо киириитин көҕүлүүр, күүһүрдэр, утум-ситим дьайыытыгар олоҕуран, оҕо саадын уонна оскуола икки ардыларыгар ситимнээх үлэни тэрийэр сыаллаах-соруктаах көмө матырыйааллары туһанаргытыгар анаан бэлэм 12 макеты биэрэбит https://disk.yandex.ru/d/NpDEpNaUFmR7Yg

1.  “Орлята России” – “Өксөкү сиэннэрэ” 7 хайысхата (трек) А.Е. Кулаковскай-Өксөкүлээх Өлөксөй “Оттоку олук алгыһа” айымньытынан.
2. “Орлята России” – “Өксөкү сиэннэрэ” 7 хайысхата (трек).
3. “Орлята-Дошколята” – “Өксөкү сиэннэрэ. Чы-чып-чаап” 5 хайысхата (трек).
4. значок.
5. “Өксөкү сиэннэрэ. Чы-чып-чаап” кумааҕы куукула макета.
6. “Өксөкү сиэннэрэ. Чы-чып-чаап” логотип.
7. “Өксөкү сиэннэрэ. Чы-чып-чаап” эмблема.
8. “Өксөкү сиэннэрэ. Чы-чып-чаап” ростовой фигура.
9. “Өксөкү сиэннэрэ” стендэ макета (2,5 м х 1,5 м)
10. “Орлята России” гимн сахалыы тылбааһа.
11.  “Өксөкү сиэннэрэ. Чы-чып-чаап” былаах (70 х 105)
12.  “Өксөкү сиэннэрин” кэккэтигэр киирии сценарийа.

Бу сигэнэн киирэн хачайдаан туһаныҥ: https://disk.yandex.ru/d/NpDEpNaUFmR7Yg (Орлята-Дошколята “Өксөкү сиэннэрэ. Чы-чып-чаап”).