Саха Өрөспүүбүлүкэтин Үөрэҕин уонна наукатын министиэристибэтинэн, “Росдетцентр” федеральнай государственнай тэрилтэ “Оҕо саас сирдьиттэрэ” (“Навигаторы детства”) регионнааҕы тирэх киининэн мэктиэлэннэ.
Алын кылаас үөрэнээччилэрин сайыннарар Бүтүн Арассыыйатааҕы “Орлята России” федеральнай бырайыак Саха сиринээҕи “Өксөкү сиэннэрэ” бырагыраамата олоххо киирэн үлэлии турар.
Бу бырагырааманы федеральнай ирдэбил киэбигэр сөп түбэһиннэрэн, А.Г. уонна Н.К. Чирээйэптэр ааттарынан Дьокуускай куорат национальнай гимназиятын алын сүһүөх кафедратын учууталлара оҥорон, тылбаастаан таһаарбыттара. Бырагыраама научнай сүбэһитэ педагогика билимин хандьыдаата, РФ АПСН чилиэн-корреспондена, Саха Өрөспүүбүлүкэтин үтүөлээх учуутала, этнопедагог, “Өксөкүлээх үөрэҕэ” бырайыак ааптара Екатерина Петровна Чехордуна буолар.
Бырайыак салайааччылара – Н.Е. Мординов-Амма Аччыгыйа аатынан “Кэскил” оҕо бэчээтин кыһатын дириэктэрэ Ольга Ивановна Семенова уонна А.Г. уонна Н.К. Чирээйэптэр ааттарынан Дьокуускай куорат национальнай гимназиятын дириэктэр сүбэһитэ Вероника Павловна Васильева.
“Өксөкү сиэннэрэ” бырагырааманы сүрүннээччи “Росдетцентр” федеральнай государственнай тэрилтэ “Оҕо саас сирдьиттэрэ” (“Навигаторы детства”) регионнааҕы тирэх киинин салайааччыта Нюргуяна Владимировна Макарова.
Федеральнай ирдэбилгэ сөп түбэһиннэрэн, “Орлята России” – “Өксөкү сиэннэрэ” сэттэ хайысхатын тиэмэлэрэ сахалыы тылбаастанан, оҕо төрөөбүт тылынан ылынарыгар сөптөөх гына оҥоһуллан “Чуораанчык” сурунаал 2024 сыл иккис аҥаарыгар тахсыбыт нүөмэрдэригэр бэчээттэммитэ.
2024-2025 үөрэх дьылыгар “Орлята России” – ”Өксөкү сиэннэрэ”
дьарык олоххо киирэр календарнай былаана
1. “ Өксөкү сиэнэ – Басхан” (Орленок – Лидер) – балаҕан ыйын 23-алтынньы 18 күннэрэ, 2024 с.
2. “Өксөкү сиэнэ – Киэҥ билиилээх” (Орленок – Эрудит) – алтынньы 21-сэтинньи 22 күннэрэ, 2024 с.
3. “ Өксөкү сиэнэ – Уран уус” (Орленок – Мастер) – сэтинньи 25 – ахсынньы 20 күннэрэ, 2024 с.
4. “ Өксөкү сиэнэ – Бэйэтин баҕатынан көмөлөһөр” (Орленок – Доброволец) – тохсунньу 13 – олунньу 7 күннэрэ, 2025 с.
5. “ Өксөкү сиэнэ – Эрчим” (Орленок – Спортсмен) – олунньу 10 – кулун тутар 7 күннэрэ, 2025 с.
6. “Өксөкү сиэнэ – Айылҕаны харыстыыр” (Орленок – Эколог) – кулун тутар 10 — муус устар 11 күннэрэ, 2025 с.
7. “Өксөкү сиэнэ – Историяны харыстыыр” (Орленок – Хранитель исторической памяти) – муус устар 14 – ыам ыйын 16 күннэрэ 2025 с.
“Өксөкү сиэннэрэ” бырагыраама олоххо киириитин көҕүлүүр, күүһүрдэр алын кылаас үөрэнээччилэрин ортолоругар иитии үлэтин сүрүннүүр сыаллаах-соруктаах көмө матырыйааллары туһанаргытыгар анаан бэлэм 11 макеты биэрэбит https://disk.yandex.ru/d/EfqjFAXdEdecJw
- “Орлята России” – “Өксөкү сиэннэрэ” 7 хайысхата (трек) А.Е. Кулаковскай-Өксөкүлээх Өлөксөй “Оттоку олук алгыһа” айымньытынан.
- “Орлята России” – “Өксөкү сиэннэрэ” 7 хайысхата (трек).
- “Өксөкү сиэннэрэ” значок.
- “Өксөкү сиэнэ” кумааҕы куукула макета.
- “Өксөкү сиэннэрэ” логотип.
- “Өксөкү сиэннэрэ” эмблема.
- “Өксөкү сиэнэ” ростовой фигура.
- “Өксөкү сиэннэрэ” стендэ макета (2,5 м х 1,5 м)
- “Орлята России” гимн сахалыы тылбааһа.
- “Өксөкү сиэннэрэ” былаах (70 х 105)
- “Өксөкү сиэннэрин” кэккэтигэр киирии сценарийа.
Бу сигэнэн киирэн хачайдаан туһаныҥ: https://disk.yandex.ru/d/EfqjFAXdEdecJw («Өксөкү сиэннэрэ». 1-4 кылаас).